Nithin Robinhood Movie : బ్యాక్ టు బ్యాక్ సినిమాలలో నటిస్తూ సినీ ప్రేక్షకులను అలరిస్తున్నారు టాలీవుడ్ హీరో నితిన్. ప్రస్తుతం రెండు సినిమాల్లో నటిస్తున్నారు. వాటిలో వెంకీ కుడుముల దర్శకత్వంలో తెరకెక్కుతోన్న చిత్రం ఒకటి. ఈ చిత్రంతో 'రాబిన్‌హుడ్‌'గా ప్రేక్షకుల్ని అలరించేందుకు సిద్ధమవుతున్నారు నితిన్. ఆయన కథానాయకుడిగా నటిస్తున్న ఈ చిత్రాన్ని వెంకీ కుడుముల తెరకెక్కిస్తున్నారు. ఈ సినిమా త్వరలోనే థియేటర్లలో ప్రేక్షకుల ముందుకు రానుంది. ఈ సందర్భంగా తాజాగా టీజర్ను విడుదల చేసింది చిత్ర బృందం.
'ఆగని హైఫై ఇళ్లలో చోరీ, ఇంతమంది దాచుకున్న హనీని దోచుకెళ్తోన్న ఆ హనీ సింగ్ ఎవరు?' అంటూ అందరీ డబ్బు, బంగారాన్ని దోచే దొంగగా నితిన్ను చూపించడంతో ప్రచార చిత్రాన్ని ప్రారంభించారు. ఆ తర్వాత 'రాబిన్ హుడ్ వాటికి పర్టిక్యులర్ జెండా, అజెండా ఏమీ ఉండవు. డబ్బు కోసం ఎవరికైనా ఎదురువెళ్తాడు.' అంటూ నితిన్ గురించి ఎలివేషన్ ఇచ్చారు.
అనంతరం 'భారతీయులంతా నా సోదర సోదరీమణులు. నా కంట్రీకి వచ్చి నా ఫ్యామిలీ మెంబర్స్నే ఇబ్బండి పెడతారురా, యూ బ్లడీ ఫారెనర్స్ అంటూ' నితిన్ చెప్పే డైలాగ్స్, ఫైట్స్ ఆకట్టుకున్నాయి. 'నువ్వేమో ఆ అమ్మాయిని చూసి ఎక్సైట్ అవుతున్నావ్, నేనేమో ఆ వెనక వచ్చే వాడిని చూసి టెన్షన్ అవుతున్నాను' అంటూ నితిన్తో కలిసి రాజేంద్ర‌ప్ర‌సాద్‌ చేసే కామెడీ బాగుంది.
కాగా, ఈ రాబిన్ హుడ్ చిత్రాన్ని మైత్రీ మూవీ మేకర్స్‌ సంస్థ నిర్మిస్తోంది. నవీన్‌ యేర్నేని, రవి శంకర్ నిర్మాతలకుగా వ్యవహరిస్తున్నారు. జీవీ ప్రకాశ్ కుమార్ సంగీతాన్ని అందిస్తున్నారు. వినోదం, సందేశంతో కూడిన యాక్షన్‌ థ్రిల్లర్‌గా ఈ చిత్రాన్ని రూపొందిస్తున్నారు. సాయి శ్రీరామ్‌ ఛాయాగ్రాహకుడిగా వ్యవహరిస్తున్నారు. వెంకీ కుడుముల ఈ చిత్రానికి దర్శకత్వం వహిస్తున్నారు. భీష్మ తర్వాత గ్యాప్ ఇచ్చిన ఆయన ఈ చిత్రాన్ని తెరకెక్కిస్తున్నారు. శ్రీలీల హీరోయిన్గా నటిస్తోంది. నితిన్ - శ్రీలీల ఆ మధ్య ఎక్స్ ట్రా చిత్రంలో కలిసి నటించిన సంగతి తెలిసిందే. ఈ సినిమా అశించిన స్థాయిలో ఆడలేదు. చూడాలి మరి ఈ రాబిన్ హుడ్ అయినా నితిన్కు హిట్ తెచ్చిపెడుతుందో లేదో.
