Tollywood 2024 Summer Movies : రౌడీ హీరో విజయ్ దేవరకొండ, స్టార్ బాయ్ సిద్దు జొన్నలగడ్డ ఇద్దరూ టాలీవుడ్ లో మంచి పేరున్న హీరోలు. ఈ ఇద్దరూ పెద్ద సినిమా బ్యాక్గ్రౌండ్ లేని కుటుంబాల నుంచి వచ్చినవారే. చిన్న పాత్రలతో తమ కెరీర్ను మొదలెట్టి ఇప్పుడు స్టార్ హీరోల స్థాయికి ఎదిగారు ఈ కుర్రాళ్లు. వరుస ఆఫర్లతో టాలీవుడ్లో సందడి చేస్తున్న ఈ స్టార్స్ ఇప్పుడు బాక్సాఫీస్ వద్ద తమ సత్తా చాటేందుకు సిద్ధమయ్యారు. మార్చి 29న సిద్ధు జోన్నలగడ్డ 'టిల్లు స్క్వేర్', ఏప్రిల్ 5న 'ఫ్యామిలీ స్టార్'తో విజయ్ థియేటర్లలోకి రానున్నారు.
'డీజే టిల్లు' సిద్ధూకి స్టార్డమ్ తెచ్చిపెట్టింది. ఆ చిత్రంలో ఆయన తెలంగాణ యాసలో ఎంతో చక్కగా డైలాగ్స్ చెప్పి ప్రేక్షకులను ఆకట్టుకున్నారు. దీంతో మేకర్స్ ఈ సీక్వెల్ను ప్లాన్ చేశారు. ఇటీవలే విడుదలైన రెండు ట్రైలర్లలోనూ ఫుల్ ఆన్ ఎంటర్టైన్మెంట్ కంటెంట్ కనిపించింది. టిల్లు డైలాగ్స్తో పాటు అనుపమ గ్లామర్ యాంగిల్ ఈ సినిమాకు హైలైట్ కానున్నట్లు తెలుస్తోంది. దీంతో ఫ్యాన్స్ ఈ సినిమా కోసం ఆసక్తిగా ఎదురుచూస్తున్నారు. వేసవి సెలవులు కాబట్టి సినిమా కొంచెం ఎంటర్టైనింగ్గా ఉన్నా చాలు బాక్స్ ఆఫీస్ దగ్గర మంచి వసూళ్లు వచ్చే అవకాశాలు ఉన్నాయి. దీంతో ఈ చిత్రంపై భారీ అంచనాలే ఉన్నాయి.
- " class="align-text-top noRightClick twitterSection" data="">
ఇక 'గీత గోవిందం'తో మంచి గుర్తింపు పొందిన రౌడీ హీరో విజయ్ దేవరకొండ ఇప్పుడు 'ఫ్యామిలీ స్టార్'గా స్క్రీన్పై సందడి చేయనున్నాడు. విజయ్ - పరశురామ్ కాంబోలో వచ్చిన 'గీత గోవిందం' పెద్ద హిట్ కావడం వల్ల ఇప్పుడు అదే కలయికలో రానున్న ఈ సినిమాపై కూడా అభిమానుల్లో భారీ అంచనాలే ఉన్నాయి. ఇక ఇటీవలే టాలీవుడ్లో మంచి హిట్స్ అందుకుని దూసుకెళ్తున్న మృణాల్ ఠాకూర్ కూడా ఈ సినిమాలో లీడ్ రోల్ చేయడం 'ఫ్యామిలీ స్టార్'కు ప్లస్ అయింది. 'లైగర్', 'ఖుషి' సినిమా ఫలితాల తర్వాత విజయ్ ఖాతాలో ఇప్పుడు ఒక హిట్ చాలా అవసరం. తాజాగా విడుదలైన ట్రైలర్ కూడా విజయ్ ముందు సినిమాల కన్నా భిన్నంగా ఉన్నట్టు అనిపిస్తుండటం వల్ల ఈ సినిమా మీద ప్రేక్షకులు కూడా ఆసక్తి చూపిస్తున్నారు.
- " class="align-text-top noRightClick twitterSection" data="">
సిద్ధు జొన్నలగడ్డ సీరియస్ - హర్ట్ అయిన అనుపమ! - Tillu Square Anupama Parameshwaran
