8 నెలల క్రితం చనిపోయిన అమ్మాయితో హీరో ప్రేమ! - ఈ వారం థియేటర్/OTT సినిమాలివే

ఈ వారం థియేటర్/OTTలో రిలీజ్ కానున్న ఆసక్తికర సినిమా, సిరీస్లివే

This Week Theatre OTT Releases (source Getty Images)

Published : Oct 14, 2024, 6:37 PM IST

This Week Theatre OTT Releases : గత వారం వీకెండ్ దసరా బరిలో దిగిన చిత్రాలన్నీ దాదాపుగా నిరాశ పరిచాయి. పెద్ద సినిమాగా విడుదలైన సూపర్ స్టార్ రజనీ కాంత్ వేట్టాయన్ కూడా మిక్స్డ్ రివ్యూస్ అందుకున్నాయి. ఇక ఈ వారం కూడా అన్నీ చిన్న చిత్రాలే బాక్సాఫీస్ ముందు సందడి చేసేందుకు సిద్ధమయ్యాయి. అలానే ఓటీటీలోనూ పలు చిత్రాలు, సిరీస్లు స్ట్రీమింగ్కు సిద్ధమయ్యాయి. ఇంతకీ అవేంటో తెలుసుకుందాం.

థియేటర్ రిలీజ్ సినిమాలు

వాస్తవ సంఘటనల ఆధారంగా - మైత్రీ మూవీ మేకర్స్‌ విడుదల చేస్తున్న లవ్‌రెడ్డి అక్టోబర్ 18న థియేటర్లలోకి రానుంది. అంజన్ రామచంద్ర, శ్రావణిరెడ్డి కీలక పాత్రల్లో నటించారు. స్మరన్‌రెడ్డి దర్శకత్వం వహించారు. వాస్తవ సంఘటనల ఆధారంగా ఆంధ్రా, కర్ణాటక సరిహద్దులో జరిగే స్వచ్ఛమైన ప్రేమకథగా తెరకెక్కించారు.

మత్స్యకారుల జీవితాలు ప్రతిబింబించేలా - సముద్రుడు అనే చిత్రం అక్టోబరు 18నే థియేటర్లలోకి రానుంది. రమాకాంత్‌, అవంతిక, భానుశ్రీ కలిసి నటించారు. నగేశ్‌ నారదాసి దర్శకత్వంలో రూపొందింది. మత్స్యకారుల జీవితాలను ప్రతిబింబించేలా తీశారు.

మిస్టరీ థ్రిల్లర్‌తో - కామెడీ మిస్టరీ థ్రిల్లర్ కథతో దర్శకుడు మ‌నోజ్ ప‌ల్లేటి రూపొందించిన చిత్రం వీక్షణం. రామ్ కార్తీక్, క‌శ్వి హీరో హీరోయిన్లుగా నటించారు. ఇది కూడా అక్టోబరు 18నే థియేటర్‌లో రానుంది. 8 నెలల క్రితం చనిపోయిన అమ్మాయితో హీరో ప్రేమలో పడిన తర్వాత ఏం జరిగిందన్నదే ఈ చిత్ర కథ.

టైమ్‌ ట్రావెల్‌ కాన్సెప్ట్‌తో - సాయి రోనక్‌ హీరోగా రానున్న కొత్త చిత్రం రివైండ్‌. కళ్యాణ్‌ చక్రవర్తి దర్శకత్వం వహించారు. టైమ్‌ ట్రావెల్‌ కాన్సెప్ట్తో రూపొందింది. అమృత చౌదరి హీరోయిన్. ఓ యువకుడు తన ప్రేమను గెలిపించుకోవడానికి టైమ్‌ మెషీన్‌లో ప్రయాణించి ఏం చేశాడన్నదే కథ.

ఖడ్గం రీరిలీజ్ - శ్రీకాంత్, రవితేజ, ప్రకాశ్‌రాజ్‌ కీలకపాత్రల్లో వచ్చిన సూపర్ హిట్ ఖడ్గం రీరిలీజ్కు సిద్ధమైంది. కృష్ణవంశీ దర్శకుడు. అక్టోబరు 18నే ఇది కూడా రీరిలీజ్ కానుంది.