Thandel Movie Release: 2024లో టాలీవుడ్ బాక్సాఫీస్ వద్ద పలు సినిమాలు సందడి చేసేందుకు రెడీ అవుతున్నాయి. ఈ నేపథ్యంలో యంగ్ టైగర్ ఎన్టీఆర్ 'దేవర పార్ట్- 1', విజయ్ దేవరకొండ 'ఫ్యామిలీ స్టార్', నాని 'సరిపోదా శనివారం', అల్లు అర్జున్ 'పుష్ప ది రూల్', రెబల్ స్టార్ ప్రభాస్ 'కల్కి' సినిమాల మేకర్స్ ఇప్పటికే రిలీజ్ డేట్స్ అనౌన్స్ చేశారు. ఇప్పుడు ఈ లిస్ట్లో నాగచైతన్య- చందూ మొండేటి 'తండేల్' చేరనుంది.
ప్రస్తుతం ఈ సినిమా షూటింగ్ పనులు శరవేగంగా జరుపుకుంటుంది. అయితే రీసెంట్గా ఓ ఇంటర్వ్యూలో పాల్గొన్న డైరెక్టర్ చందూ మొండేటి రిలీజ్ గురించి ఓ క్లూ ఇచ్చారు. ఈ మూవీని 2024 దసరా బరిలో దింపాలని ప్లాన్ చేస్తున్నట్లు చందూ చెప్పారు. దీని నుంచి అఫీషియల్ ప్రకటన రావాల్సి ఉంది. ఒకవేళ దసరా బరిలో తండేల్ కూడా చేరితే బాక్సాఫీస్ వద్ద ఫైట్ మరింత రసవత్తంరంగా మారుతుంది. జూనియర్ ఎన్టీఆర్ దేవర అక్టోబర్ 10న రిలీజ్ కానున్నట్లు తాజాగా మేకర్స్ ప్రకటించారు. అలాగే నందమూరి బాలకృష్ణ NBK 109 కూడా దసరాకే రానున్నట్లు తెలుస్తోంది. చూడాలి మరి మేకర్స్ ఏ నిర్ణయం తీసుకుంటారో?
ఇక ఈ సినిమాను చందూ మొండేటి కోస్టల్ బ్యాక్డ్రాప్లో తెరకెక్కిస్తున్నారు. రీసెంట్గా రిలీజ్ చేసిన వీడియో గ్లింప్స్కు కూడా మంచి రెస్పాన్స్ వచ్చింది. మూవీలో నాగచైతన్య సరసన సాయి పల్లవి నటిస్తోంది. ఇదివరకు వీరి కాంబోలో వచ్చిన లవ్స్టోరీ మంచి విజయం సాధించడం వల్ల ఈ సినిమాపై కూడా భారీ అంచనాలు నెలకొన్నాయి. ఇక గీతా ఆర్ట్స్ బ్యానర్పై అల్లు అరవింద్, బన్నీ వాస్ సంయుక్తంగా ఈ సినిమా నిర్మిస్తున్నారు. రాక్స్టార్ దేవీశ్రీ ప్రసాద్ సంగీతం అందిస్తున్నారు.
వాలెంటైన్ డే స్పెషల్ రీల్: రీసెంట్గా వాలెంటైన్ డే సందర్భంగా ఈ సినిమాలోని ఓ డైలాగ్తో హీరో నాగచైతన్య రీల్ చేసి సోషల్ మీడియాలో షేర్ చేశారు. 'తండేల్ గ్లింప్స్కు వస్తున్న రెస్పాన్స్ పట్ల థ్రిల్లింగ్గా ఉంది. దానిపై మీరందరూ (నెటిజన్లు) రీల్స్ చేయడం సంతోషాన్నిస్తుంది. మీలాగే మేము (నేను & సాయి పల్లవి) కూడా రీల్ చేయాలనుకున్నాం. మీ అందరికీ తండేల్ మూవీ టీమ్ నుంచి హ్యాపీ వాలెంటైన్ డే' అని చైతు పోస్ట్ చేశారు. రీల్ చూసిన ఫ్యాన్స్ చైతూ- సాయి పల్లవి జోడీ బాగుందంటూ కామెంట్స్ పెడుతున్నారు. కాగా, ఇదివరకే వీరి కాంబోలో తెరకెక్కిన 'లవ్స్టోరి' సినిమా మంచి విజయం సొంతం చేసుకుంది.
- " class="align-text-top noRightClick twitterSection" data="">
సాయి పల్లవికి చైతూ లవ్ ప్రపోజ్- వీడియో పోస్ట్ చేసి సర్ప్రైజ్!
గురి తప్పేదేలేదెస్ అంటున్న చైతూ - ఏలియన్తో శివ కార్తికేయన్ ఫ్రెండ్షిప్
