Thalapathy Vijay Atlee Movie : కోలీవుడ్ స్టార్ హీరో దళపతి విజయ్ ప్రస్తుతం దర్శకుడు హెచ్ వినోద్తో తన కెరీర్ చివరి సినిమా(69వది) చేస్తున్న సంగతి తెలిసిందే. చిత్రంలో విజయ్ సరసన పూజా హెగ్డే హీరోయిన్గా నటిస్తుండగా, యంగ్ హీరోయిన్ మమిత బైజు ఓ కీలక పాత్రలో కనిపించనుంది. టాలీవుడ్ సాలిడ్ హిట్ భగవంత్ కేసరికి రీమేక్గా ఇది రానున్నట్లు బలంగా ప్రచారం సాగుతోంది.
ఈ సినిమా తర్వాత విజయ్ నిజంగానే సినిమాలు ఆపేసినట్టేనా? మరి గతంలో ప్రకటించిన సీక్వెల్స్ పరిస్థితి ఏంటి? అని పలు ప్రశ్నలు వినిపిస్తున్నాయి. అయితే ఇప్పుడు మరో కొత్త ప్రచారం తెరపైకి వచ్చింది. 69వది చివరి చిత్రం కాదని, అలానే ఈ సీక్వెల్స్ కూడా కాకుండా, మరో చిత్రం చేసేందుకు విజయ్ గ్రీన్ సిగ్నల్ ఇచ్చారని పలు రూమర్స్ కోలీవుడ్ వర్గాల్లో వినిపిస్తున్నాయి. ఈ చిత్రాన్ని విజయ్కు పలు భారీ హిట్స్ అందించిన దర్శకుడు అట్లీతో చేయబోతున్నారని టాక్ వినిపిస్తోంది. దీనిపై అధికారిక క్లారిటీ రావాల్సి ఉంది.
Thalapathy Vijay Atlee combo Movies : కాగా, విజయ్తో కలిసి దర్శకుడు అట్లీ వరుసగా మూడు చిత్రాలు చేశారు. యాక్షన్‌ థ్రిల్లర్‌ తెరి 2016లో విడుదలై మంచి సక్సెస్ అందుకుంది. తెలుగులో పోలీసోడు పేరుతో డబ్ అయి ఇక్కడ కూడా అలరించింది. రూ. 75 కోట్ల బడ్జెట్తో వచ్చిన ఈ చిత్రం బాక్సాఫీసు వద్ద రూ. 150 కోట్లు కలెక్ట్‌ చేసింది.
విజయ్- అట్లీ కాంబినేషన్‌లో వచ్చిన మరో యాక్షన్‌ థ్రిల్లర్‌ చిత్రం మెర్సల్‌ (2017, తెలుగులో అదిరింది) కూడా మంచి విజయాన్ని అందుకుంది. రూ. 120 కోట్ల బడ్జెట్తో తెరకెక్కి రూ. 200 కోట్లకుపైగానే వసూళ్లను సాధించింది.
అనంతరం విజయ్తో స్పోర్ట్స్‌ యాక్షన్‌ డ్రామా బిగిల్(2019) తెరకెక్కించి మరో విజయం సాధించారు అట్లీ. తెలుగులో విజిల్గా వచ్చి అలరించింది. రూ. 180 కోట్ల బడ్జెట్తో రూపొందిన ఈ సినిమా రూ. 280 కోట్లకుపైగా వసూళ్లను చేసింది.
