Anjali Game Changer: టాలీవుడ్ మోస్ట్ వెయిటెడ్ మూవీ 'గేమ్ ఛేంజర్'లో నేచురల్ బ్యూటీ అంజలి పాత్ర ఏంటో తెలిసిపోయింది! ఈ సినిమాలో తాను కీ రోల్కే పరిమితం కాదని అంజలి ఇది వరకే ఓ సందర్భంలో చెప్పింది. తన పాత్రకు సంబంధించి ఫ్లాష్‌బ్యాక్‌ ఎపిసోడ్‌, ఓ పాట ఉంటాయని గతంలో ఆమె అన్నది. అయితే ఆమె చెప్పినట్లుగానే కీ రోల్కే పరిమితం కాకుండా అంజలి ఈ సినిమాలో హీరోయిన్ పాత్ర పోషించిందని తెలుస్తోంది.
ఆమె పాత్రకు బలమైన స్కోప్ ఉన్నట్లు సమాచారం. అంతేకాకుండా మూవీలో హీరో రామ్చరణ్కు భార్య పాత్ర పోషించిందని ఇన్సైడ్ టాక్ వినిపిస్తోంది. అయితే ఈ సినిమాలో రామ్చరణ్ డ్యుయల్ రోల్లో కనిపించనున్నారని మొదటి నుంచి ప్రచారం సాగింది. అంటే సినిమా ప్రజెంట్ స్టోరీలో మెయిన్ లీడ్గా బాలీవుడ్ బ్యూటీ కియారా అడ్వాణీ, ఫ్లాక్ బ్యాక్లో అంజలి హీరోయిన్గా కనిపించనున్నారన్న మాట! మరి చూడాలి అసలు అంజలి ఏ పాత్రలో మెరవనుందోనని?
అయితే మరోసారి తన పాత్రపై అంజలి తాజాగా స్పందించింది. తన పాత్ర గురించి ఎక్కువగా మాట్లాడడని, కానీ థియేటర్లలో ప్రేక్షకులు మాత్రం సర్ప్రైజ్ ఫీల్ అవుతారని చెప్పింది. కాగా, గ్లోబల్ స్టార్ రామ్చరణ్తో అంజలి తొలిసారి గేమ్ ఛేంజర్తో స్క్రీన్ షేర్ చేసుకుంది. రామ్చరణ్తో కలిసి నటించడం మంచి అనుభూతినిచ్చిందని ఆమె అన్నది.
కాగా, ఈ సినిమాలో అంజలి , కియారాతోపాటు , యస్ జే సూర్య, సునీల్, శ్రీకాంత్ తదితరులు నటించారు. స్టార్ డైరెక్టర్ శంకర్ ఈ సినిమాను భారీ బడ్జెట్తో తెరకెక్కించారు. శ్రీ వేంకటేశ్వర క్రియేషన్స్ బ్యానర్పై దిల్రాజు ఈ చిత్రాన్ని నిర్మిస్తున్నారు. మ్యూజిక్ సంచలనం తమన్ సంగీతం అందిస్తున్నారు. ఇటీవల రిలీజైన 'జరగండి' పాటకు మంచి రెస్పాన్స్ వచ్చింది. ఇక సినిమా చివరి దశ షూటింగ్ జరుపుకుంటోంది. పోస్ట్ ప్రొడక్షన్ పనులు పూర్తవగానే రిలీజ్ డేట్ ప్రకటించే అవకాశం ఉంది. అయితే 2024 డిసెంబర్లోనే మూవీ రిలీజ్ అయ్యే ఛాన్స్ ఉందని ఇండస్ట్రీ వర్గాల్లో టాక్.
ఆ సినిమా కంటే ముందే గేమ్ఛేంజర్ రిలీజ్ పక్కా!: సూర్య - Game Changer Release
దేవరకు పోటీగా గేమ్ఛేంజర్ - క్లారిటీ ఇచ్చిన దిల్ రాజు కూతురు!
