Suriya 44 Movie : కోలీవుడ్ స్టార్ హీరో సూర్య - కార్తిక్ సుబ్బరాజు కాంబోలో '#సూర్య44' వర్కింగ్ టైటిల్తో తెరకెక్కుతున్న సినిమా షూటింగ్ పూర్తైంది. ఈ విషయాన్ని హీరో సూర్య సోషల్ మీడియాలో వెల్లడించారు. ఈ మేరకు మూవీటీమ్తో కలిసి సెట్స్లో దిగిన ఫొటో ఒకటి షేర్ చేశారు. అయితే జూన్లో ప్రారంభమైన ఈ సినిమా చిత్రీకరణ అక్టోబర్లో ముగియడం విశేషం.
'ఎన్నో లొకేషన్లలో ఈ సినిమా షూటింగ్ చేశాం. షూటింగ్ అంతా చాలా ఆనందంగా జరిగింది. ఈ చిత్రం కోసం అనేకమంది టాలెంటెడ్‌ వ్యక్తులు పని చేశారు. కార్తిక్ సుబ్బరాజు నాకు సోదరుడితో సమానం. అతడి దర్శకత్వంలో పని చేసినందుకు సంతోషంగా ఉంది. ఈ మూవీటీమ్ నాకు జీవితంలో మర్చిపోలేని జ్ఞాపకాలను అందించింది' అంటూ మూవీయూనిట్కు సూర్య కృతజ్ఞతలు తెలిపారు. దీనికి దర్శకుడు కార్తిక్ సుబ్బరాజు స్పందించారు. 'సినిమాపై మీకున్న అంకితభావం, నిబద్ధత వల్లే షూటింగ్ ఇంత తర్వగా పూర్తిచేయగలిగాం' అంటూ సూర్యకు కార్తిక్ సుబ్బరాజు రిప్లై ఇచ్చారు.
A wholesome, happy shoot got done across several locations… Lots of memories with the super talented cast & crew… I made a brother for life @karthiksubbaraj thank you & our team for making #Suriya44 a memorable experience. #ShootWrap pic.twitter.com/DIRtILfpP3
— Suriya Sivakumar (@Suriya_offl) October 6, 2024
4 నెలల్లో కంప్లీట్
ఈ ఏడాది మార్చిలోనే ఈ ప్రాజెక్ట్ను ప్రకటించారు. జూన్లో ఈ సినిమా షూటింగ్ ప్రారంభించి, ఆదివారం (అక్టోబర్ 6) చిత్రీకరణ పూర్తి చేశారు. అంటే కేవలం 4 నెలల్లో సినిమాను కంప్లీట్ చేశారు. జెట్ స్పీడ్తో సినిమా కంప్లీట్ చేయడం వల్ల ఫ్యాన్స్ ఆనందం వ్యక్తం చేస్తున్నారు. త్వరలోనే ఈ సినిమా విడుదల తేదీని కూడా ప్రకటించే అవకాశం ఉన్నట్లు తెలుస్తోంది. ఈ సినిమాలో సూర్య సరసన పూజాహెగ్డే హీరోయిన్గా నటించారు. దర్శకుడు కార్తిక్ సుబ్బరాజు ఈ సినిమాను ప్రేమ, యుద్ధం నేపథ్యంలో తెరకెక్కించారు. 2D ఎంటర్‌టైన్‌మెంట్స్‌ పతాకంపై ఈ సినిమా రూపొందింది. కల్కి ఫేమ్ సంతోష్ నారాయణ్ ఈ సినిమాకు సంగీతం అందించారు. ఇక జోజు జార్జ్‌, జయరామ్‌ తదితరులు కీలకపాత్రలు పోషిస్తున్నారు.
కంగువా
మరోవైపు, సూర్య 'కంగువ'తో నవంబర్ 14న ప్రేక్షకుల ముందుకు రానున్నారు. ఈ సినిమాను దర్శకుడు శివ తెరకెక్కిస్తున్న భారీ బడ్జెట్తో తెరకెక్కించారు. బాలీవుడ్ బ్యూటీ దిశాపటానీ హీరోయిన్గా నటించింది. కంగ అనే ఓ పరాక్రముడి కథతో రూపొందుతున్న ఈ సినిమాలో సూర్య ఆరు విభిన్న లుక్స్‌లో కనిపిస్తారని సమాచారం.
