TAMANNAH BHATIA NEW WEB SERIES : మిల్కీ బ్యూటీ తమన్నా గురించి ప్రత్యేకంగా చెప్పనక్కర్లేదు. 15 ఏళ్ల వయసులోనే హీరోయిన్గా ఎంట్రీ ఇచ్చింది. తొలి చిత్రమే పరాజయం అయినప్పటికీ ముందుకు సాగింది. వచ్చిన ప్రతి అవకాశాన్ని సద్వినియోగం చేసుకుంటూ తన నటనతో ప్రేక్షకుల్ని మెప్పించి స్టార్‌ హీరోయిన్గా ఎదిగింది.
ఇండస్ట్రీలో యువ హీరోయిన్ల జోరు ఉన్నప్పటికీ వారికి గట్టి పోటీనిస్తూ వరుస ప్రాజెక్ట్లను చేస్తోంది. ఆ మధ్య ఓటీటీలోకి ఎంట్రీ ఇచ్చి విజయాల్ని అందుకుంది. అయితే తాజాగా ఈ ముద్దుగుమ్మ మరో ప్రాజెక్ట్కు గ్రీన్ సిగ్నల్ ఇచ్చినట్లు తెలిసింది. ప్రీతీ సిమోస్ నిర్మించనున్న ఓ కొత్త ఓటీటీ సిరీస్‌లో మిల్కీ బ్యూటీ కీలక పాత్ర పోషించనున్నట్లు సమాచారం. నిజ జీవిత సంఘటనల ఆధారంగా రానున్న ఈ సిరీస్‌లో తమన్నా న్యాయవాదిగా కనిపించబోతున్నట్లు టాక్.
గతేడాది తమన్నా - ప్రీతి సిమోస్ కాంబోలో ఆఖరి సచ్‌ అనే ఇన్వెస్టిగేటివ్‌ థ్రిల్లర్‌ వచ్చి మంచి హిట్ అందుకుంది. ఇప్పుడీ కొత్త ప్రాజెక్టును కరణ్‌ జోహార్‌తో కలిసి నిర్మించనున్నట్లు ప్రీతి తెలిపింది. దేశమంతా ఉలిక్కిపడేలా చేసిన ఓ కేసుతో ఈ ప్రాజెక్ట్ను తెరకెక్కించనున్నట్లు తెలిపింది. కాగా, త్వరలోనే ఈ ప్రాజెక్టు చిత్రీకరణ మొదలుకానున్నట్లు సిరీస్ సన్నిహిత వర్గాలు చెప్పాయి. ఇకపోతే ప్రస్తుతం తమన్నా తెలుగు చిత్రం ఓదెల 2 షూటింగ్తో బిజీగా ఉంది.
ఆ ఒక్క రోజు తమన్నా అస్సలు స్నానం చేయదట - ఎందుకంటే? - Tamannah Bath
