Suriya Son Karate : సినిమాల్లో ఎంత బిజీగా ఉన్నా కూడా , ఫ్యామిలీ కోసం తన విలువైన టైమ్ స్పెండ్ చేయడంలో ముందుంటారు కోలీవుడ్ స్టార్ హీరో సూర్య. తన స్పెషల్ మూమెంట్స్లో తన కోసం ఫ్యామిలీ ఎలాగైతే వస్తుందో, ఆయన కూడా వారికి సంబంధించిన ముఖ్యమైన ఈవెంట్స్లో పాల్గొని సందడి చేస్తుంటారు. ఈ నేపథ్యంలో తాజాగా తన కుమారుడు దేవ్కు సంబంధించిన ఓ స్పెషల్ ఈవెంట్లో మెరిశారు సూర్య. ప్రస్తుతం దీనికి సంబంధించిన వీడియో నెట్టింట ట్రెండ్ అవుతోంది.
కరాటేలో శిక్షణ పొందిన దేవ్ తాజాగా అందులో బ్లాక్ బెల్ట్ సాధించాడు. అయితే, ఈ అవార్డు ప్రధానోత్సవ ఈవెంట్కు అతిథిగా సూర్య హాజరయ్యారు. తన కొడుకుతో పాటు బ్లాక్ బెల్ట్ సాధించిన అందరిని అభినందించారు. ఆ తర్వాత పిల్లలతో కలిసి ఫొటో తీసుకున్నారు. అయితే పిల్లలందరూ స్టేజ్ నుంచి వెళ్తున్న సమయంలో, తన కొడుకును అలా చూస్తూనే ఉండిపోయారు సూర్య. ప్రస్తుతం ఈ వీడియో నెటిజన్లను తెగ ఆకట్టుకుంటోంది. తనయుడిని చూసి గర్వపడుతున్న తండ్రి అంటూ సూర్య అని, క్యూట్ మూమెంట్, ఫీలింగ్ ఎమోషనల్ అంటూ కామెంట్ల వర్షం కురిపిస్తున్నారు.
ఇక సూర్య ప్రస్తుతం 'కంగువా' సినిమా షూటింగ్లో బిజీగా ఉన్నారు. పీరియాడికల్ బ్యాక్డ్రాప్తో తెరకెక్కుతుత్న ఈ మూవీ నుంచి శివ్ అండ్ హిస్ టీమ్ అంటూ ఓ ఆసక్తికరమైన గ్లింప్స్ విడుదలై నెటిజన్లను ఆకట్టుకుంది. ఇందులో సూర్యతో పాటు దిశాపటానీ లీడ్ రోల్లో మెరవనున్నారు. పవర్ఫుల్ విలన్ రోల్లో బాలీవుడ్ స్టార్ బాబీ దేవోల్‌ కనిపించనున్నారు. వీరితో పాటు టాలీవుడ్ సీనియర్ నటుడు జగపతి బాబు, యోగిబాబు, కోవై సరళ తదితరులు కీలక పాత్రలు పోషిస్తున్నారు.
మరోవైపు దేవిశ్రీ ప్రసాద్ ఈ సినిమాకు సంగీతాన్ని అందిస్తున్నారు. స్టూడియో గ్రీస్ సంస్థ బ్యానర్పై ఈ సినిమాను జ్ఞానవేల్‌ రాజా నిర్మిస్తున్నారు. ఇందులో హీరో సూర్య ఆరు భిన్నమైన అవతారాల్లో కనిపించనున్నట్లు తెలుస్తోంది. దాదాపు 38 బాషల్లో ఈ సినిమా విడుదల కానున్నట్లు మేకర్స్ ప్రకటించారు.
మరోసారి మంచి మనసు చాటుకున్న సూర్య - ఫ్యాన్స్కు స్పెషల్ ట్రీట్ - ఎందుకంటే ?
