Suriya Kanguva Movie : కోలీవుడ్ స్టార్ హీరో తాజాగా 'కంగువా' సినిమాతో ప్రేక్షకులను పలకరించారు. నవంబర్ 14న విడుదలైన ఈ చిత్రం నెల తిరగకుండానే ఓటీటీలో ఆడియెన్స్ను అలరించేందుకు సిద్ధం కానుంది. డిసెంబర్‌ 13 నుంచి ప్రముఖ ఓటీటీ సంస్థ అమెజాన్‌ ప్రైమ్‌ వేదికగా ఇది అందుబాటులోకి రానున్నట్లు సమాచారం. ఈ మేరకు ఓ పోస్టర్‌ నెట్టింట తెగ వైరల్‌ అవుతోంది. ఇక అందులో తెలుగుతో పాటు హిందీ, కన్నడ, తమిళం, మలయాళ భాషల్లో ఇది అందుబాటులో ఉండనున్నట్లు రాసుంది. అయితే ఈ విషయంపై మేకర్స్ ఇంకా క్లారిటీ ఇవ్వాల్సి ఉంది.
భారీ అంచనాల నడుమ వచ్చిన 'కంగువా' బాక్సాఫీస్ వద్ద యావరేజ్ టాక్తో సరిపెట్టుకోవాల్సి వచ్చింది. సూర్య, బాబీ దేఓల్ యాక్షన్ అండ్ ఫైట్ సీన్స్ కొంతమేర అలరించినప్పటికీ, సినిమాలోని పలు ఎలిమెంట్స్కు అంతగా కనెక్ట్ కాలేకపోయామంటూ అభిమానులు నెట్టింట నిరాశ వ్యక్తం చేశారు. దీంతో కోలీవుడ్తో పాటు టాలీవుడ్లోనూ ఈ చిత్రం అంతంతమాత్రంగానే ఆడింది.
స్టోరీ ఏంటంటే :
ఫ్రాన్సిస్ (సూర్య) గోవాలో ఓ బౌంటీ హంట‌ర్‌. పోలీసులు కూడా చేయ‌లేని ప‌నులను చేసి దానికి వాళ్ల నుంచి డ‌బ్బు తీసుకుంటుంటాడు. ఏంజెలా (దిశా ప‌టానీ)దీ కూడా ఇదే ప‌ని. ఒక‌ప్పుడు ఈ ఇద్దరూ లవర్సే. కానీ ఆ త‌ర్వాత విడిపోయి ఎవ‌రి దారులు వాళ్లు చూసుకుంటారు. అయితే ఫ్రాన్సిస్, త‌న ఫ్రెండ్ (యోగిబాబు)తో క‌లిసి ఓ బౌంటీ హంటింగ్ ప‌నిపై ఉన్న సమయంలోనే జీటా అనే ఓ చిన్నారిని క‌లుసుకుంటారు. తనను క‌లుసుకోగానే ఇద్ద‌రికీ ఏదో తెలియ‌ని సంబంధం ఉన్న భావ‌న క‌లుగుతుందని ఫ్రాన్సిస్‌కు. అయితే ఒక సమయంలో ఆ బాలుడి ప్రాణాల‌కి ప్ర‌మాదం ఉంద‌ని తెలుసుకున్న ఫ్రాన్సిస్ ఆ చిన్నారిని కాపాడేందుకు ఎటువంటి సాహ‌సాలు చేశాడు? అస‌లు ఈ జీటాని వెంటాడుతున్నది ఎవ‌రు? జీటా, ఫ్రాన్సిస్, 1070 సంవ‌త్స‌రాల నాటి ప్ర‌ణవకోన యువ‌రాజు కంగువా (సూర్య)కి మ‌ధ్య సంబంధం ఏంటి? ఇలాంటి విష‌యాలు తెలుసుకోవాలంటే సినిమా చూడాల్సిందే.
