Suriya Janvikapoor : అలనాటి అందాలతార శ్రీదేవి కూతురిగా వెండితెరకు పరిచయమైంది హిందీ భామ జాన్వీ కపూర్. ఫిల్మ్ ఇండస్ట్రీలో మంచి గుర్తింపు తెచ్చుకోవడానికి గట్టిగానే ప్రయత్నాలు చేస్తోంది. ఇప్పటివరకు బాలీవుడ్లో వరుస సినిమాలు చేసిన ఈ అందాల భామ ప్రస్తుతం సౌత్ ఇండస్ట్రీవైపు అడుగులు వేస్తున్న సంగతి తెలిసిందే. ఇప్పటికే ఎన్టీఆర్‌ - కొరటాల శివ కాంబోలో తెరకెక్కుతోన్న దేవర చిత్రంలో హీరోయిన్గా నటిస్తోంది. ఈ క్రమంలోనే ఇప్పుడు ఈ ముద్దుగుమ్మ కోలీవుడ్ ఇండస్ట్రీ నుంచి మరో సూపర్ ఆఫర్ వచ్చినట్లు సమాచారం అందుతోంది. స్టార్ హీరో సూర్యతో కలిసి నటించబోతున్నట్లు కోలీవుడ్ మీడియా వర్గాల్లో వార్తలు చక్కర్లు కొడుతున్నాయి.
సూర్య - బాలీవుడ్ దర్శకుడు రాకేశ్‌ ఓంప్రకాశ్‌ మిశ్రా ప్రతిష్ఠాత్మకంగా తెరకెక్కించనున్న ప్రాజెక్ట్ 'కర్ణ' (Suriya Karna Movie)లో నటించబోతున్నారు. మహాభారతంలోని కర్ణుడి పాత్రను ఆధారంగా చేసుకుని ఈ సినిమాను తీర్చిదిద్దుతున్నట్లు వార్తలు వస్తున్నాయి. ప్రస్తుతం ప్రీ ప్రొడక్షన్‌ పనులు జరుగుతున్నాయి. ఈ సినిమా బడ్జెట్ రూ.500కోట్లు అని అంటున్నారు. ఇందులోనే జాన్వీ కథానాయికగా కనిపించనున్నట్లు తెలుస్తోంది. ఈ మేరకు చిత్రబృందం ఇప్పటికే ఆమెను సంప్రదించారని వార్తలు వైరల్ అవుతున్నాయి. అయితే దీనిపై చిత్రబృందం నుంచి కానీ, జాన్వీ టీమ్ నుంచి కానీ ఎలాంటి అధికారిక ప్రకటన రాలేదు. త్వరలోనే వచ్చే అవకాశముందని అంటున్నారు.
ఇకపోతే ఈ చిత్రాన్ని రెండు భాగాలుగా రిలీజ్ చేసేలా మూవీ టీమ్ ప్లాన్ చేస్తున్నట్లు తెలిసింది. ప్రస్తుతం తొలి భాగానికి సంబంధించిన పనులు కొనసాగుతున్నాయి. ఈ మూవీ హిందీ, తమిళంలో ఏకకాలంలో విడుదల చేయాలని మేకర్స్ భావిస్తున్నట్లు కోలీవుడ్ వర్గాల నుంచి సమాచారం అందుతోంది. సూర్య, జాన్వీ కపూర్తో పాటు ఇండియన్ సినిమాలోని ఇతర స్టార్స్ను కూడా తీసుకునే ప్లాన్ చేస్తున్నారట. కాగా, ఈ సినిమా తర్వాత సూర్య - డెరెక్టర్ సుధా కొంగర దర్శకత్వంలో మరో ప్రాజెక్ట్ కూడా చేయనున్నారు. ఇది కూడా భారీ బడ్జెట్తో తెరకెక్కనుందని తెలిసింది. త్వరలోనే దీనికి సంబంధించిన వివరాలు కూడా రానున్నాయి.
ఆ హీరోయిన్ నన్ను కొట్టింది - 30 గాయాలతో హాస్పిటల్లో చేరా! : శ్రద్ధా దాస్
ఇకపై అలాంటి సీన్స్కు ఓకే, కానీ ఓ కండిషన్! : 'గుంటూరు కారం' మీనాక్షి
