Rajnikanth Health Update : తీవ్ర కడుపు నొప్పితో ఆసుపత్రిలో చేరిన సూపర్ స్టార్ రజనీ కాంత్‌కు సర్జరీ పూర్తైనట్లు తెలుస్తోంది. మంగళవారం(అక్టోబర్ 1) ఉదయం వైద్యులు ఆయన పొత్తి కడుపులో స్టెంట్‌ వేసినట్లు తెలిసింది. ప్రస్తుతం ఆయన ఆరోగ్యం నిలకడగా ఉందని సమాచారం అందింది. మరో మూడు రోజుల పాటు ఆసుపత్రిలోనే ఉండి, ఆ తర్వాత డిశ్చార్జ్‌ అవుతారని ఆస్పత్రి వర్గాలు పేర్కొన్నట్లు వార్తలు వస్తున్నాయి.
మరోవైపు రజనీ కాంత్ ఆరోగ్యంపై ఆయన భార్య లతా కూడా స్పందించారు. ప్రస్తుతం రజనీ కాంత్ ఆరోగ్య పరిస్థితి బానే ఉందని స్పష్టత ఇచ్చారు. కాగా, రజనీ కాంత్ హాస్పిట్లో చేరారని వార్తలు రావడం వల్ల ఆయన ఫ్యాన్స్ తీవ్ర ఆందోళనకు గురయ్యారు. త్వరగా కోలుకోవాలని ప్రార్థించారు. ఇక ఇప్పుడు ఆయన క్షేమంగా ఉన్నారని తెలియడంతో రజనీ ఫ్యాన్స్ ఊపిరి పీల్చుకుంటున్నారు. సోషల్‌ మీడియా వేదికగా రజనీ కాంత్ వీలైనంత త్వరగా కోలుకోవాలని ప్రార్థిస్తూ పోస్ట్‌లు పెడుతున్నారు. ప్రస్తుతం ఆ కామెంట్స్ వైరల్ అవుతున్నాయి.
Rajinikanth Vettaiayan Movie : కాగా, ప్రస్తుతం ఆయన వెట్టయాన్‌, కూలీ చిత్రాల్లో నటిస్తున్న సంగతి తెలిసిందే. వెట్టయాన్‌ అక్టోబర్ 10న విడుదల కానుంది. రీసెంట్గానే ఈ చిత్ర టీజర్ కూడా విడుదలై ఆకట్టుకుంది. ఇందులో ఆయన పవర్‌ఫుల్ ఎన్‌కౌంటర్ ఆఫీసర్గా నటిస్తున్నారు. సినిమాలో విలన్‌గా రానా దగ్గుబాటి కనిపిస్తారని అంటున్నారు. అమితాబ్ బచ్చన్, ఫహాద్ ఫాజిల్, మంజు వారియర్, రితికా సింగ్ తదితరులు ఇతర కీలక పాత్రలు పోషిస్తున్నారు. టి.జ్ఞాన్వేల్ దర్శకత్వం వహించారు.
Rajinikanth Coolie Movie : ఇక 'కూలి' సినిమ విషయానికొస్తే యాక్షన్‌ థ్రిల్లర్గా ఇది ముస్తాబవుతోంది. నాగార్జున, శ్రుతిహాసన్‌, సౌబిన్‌ షాహిర్‌ సత్యరాజ్‌, ఉపేంద్ర తదితరులు కీలక పాత్రలు పోషిస్తున్నారు. రజనీ కాంత్‌కు ఇది 171వ చిత్రం. బంగారం స్మగ్లింగ్‌ నేపథ్యంతో సాగే యాక్షన్‌ థ్రిల్లర్ ఇది. కూలీ సినిమాలో నెంబర్‌ 1421గా రజనీకాంత్‌ దేవా పాత్ర పోషిస్తుండగా, చేస్తుండగా సైమన్‌గా నాగార్జున కనిపించనున్నారు.
రజనీకాంత్‌ 'వేట్టాయన్‌' సెన్సార్‌ రిపోర్ట్ ఇదే - ఆ మూడు సంభాషణలపై అభ్యంతరం - Vettaiyan Movie Sensor
