Shraddha Kapoor New Apartment : బాలీవుడ్ బాక్సాఫీస్ ముందు తాజాగా సంచలనం సృష్టించింది 'స్త్రీ 2' సినిమా. ఈ చిత్రం ఇంకా థియేటర్లలో సక్సెస్ ఫుల్గా రన్ అవుతూనే ఉంది. ఇందులో 'సాహో' బ్యూటీ శ్రద్ధా కపూర్ ప్రధాన పాత్రలో నటించింది. అక్షయ్ కుమార్ గెస్ట్ రోల్లో కనిపించారు. అయితే ఇప్పుడీ భామ సీ ఫేసింగ్ ఉన్న కొత్త ఇంట్లోకి వెళ్తోందని తెలిసింది. అయితే ఆ లగ్జరీ అపార్ట్మెంట్ బాలీవుడ్ స్టార్ హీరో హృతిక్ రోషన్ది అని తెలిసింది. ఇది జుహు ప్రాంతంలో ఉందట.
'స్రీ 2' బాక్సాఫీస్ దగ్గర భారీ వసూళ్లను సాధించిన తర్వాత శ్రద్ధా కపూర్ ఈ కొత్త ఇంటిని వెతుక్కుందట. ఈ ఇంటికి ఆమె నెలకు లక్షల్లో అద్దె చెల్లించనుందని తెలిసింది. ఇకపోతే ఇదే బిల్డింగ్‌లో మరో బాలీవుడ్ స్టార్ హీరో అక్షయ్ కుమార్కు లగ్జరీ డూప్లెక్స్ అపార్ట్మెంట్ కూడా ఉంది. ఇది శ్రద్ధా కపూర్ తీసుకున్న అపార్ట్మెంట్కు పొరుగిల్లే కావడం మరో విశేషం. ఇందులో అక్షయ్ కుమార్ తన ఫ్యామిలీతో కలిసి ఉంటున్నారు.
ఈ సీ ఫేసింగ్ అపార్ట్మెంట్లో అత్యాధునిక సౌకర్యాలు ఉన్నాయట. అలానే ట్రెడిషనల్, మోడ్రన్ కలిగిన వస్తువులు, ఇంకా ఉడెన్ ఫర్నిషింగ్, గ్రీనరీ, సహజ కాంతి ఇంట్లోకి వచ్చేలా కిటీకీలు, బెడ్ రూమ్లో రీడింగ్ కార్నర్ వంటి చాలా సౌకర్యాలు ఉన్నాయట.
వాస్తవానికి ఈ అపార్ట్‌మెంట్లోకి మొదట వరుణ్ ధావన్ అద్దెకు దిగాలని అనుకున్నారట. కానీ డీల్ కుదరలేదట. ఈ క్రమంలోనే ఇప్పుడు శ్రద్ధా కపూర్ ఈ డీల్ను ఓకే చేసుకొని అందులోకి వెళ్లడానికి సిద్ధమవుతోందని బాలీవుడ్ మీడియాలో వార్తలు వస్తున్నాయి.
ప్రస్తుతం శ్రద్ధా కపూర్ తన తండ్రి శక్తి కపూర్తో కలిసి ఉంటోంది. ఆయన 1987లో జుహు ప్రాంతంలోనే ఓ అపార్ట్మెంట్లోని ప్లాట్ను రూ.7 లక్షలకు కొనుగోలు చేశారట. ఇప్పుడు దాని విలువ దాదాపు రూ.60 కోట్లు ఉంటుందని సమాచారం.
Shraddha Kapoor Stree 2 Movie Collections : 'స్త్రీ 2' సినిమా విషయానికొస్తే చిత్రంలో శ్రద్ధాకపూర్‌, రాజ్‌కుమార్‌రావు నటన ప్రేక్షకులను ఎంతగానో ఆకట్టుకుంది. తమ గ్రామాన్ని పట్టిపీడిస్తున్న దెయ్యాన్ని పట్టుకోవడం కోసం వాళ్లు చేసే ప్రయత్నాలు ఆడియెన్స్ను ఉత్కంఠకు గురిచేశాయి. దీంతో ఈ సినిమా కాసుల వర్షం కురిపించింది. దాదాపు రూ.200 కోట్లకు పైగా వసూలు చేసింది.
శ్రద్ధా కపూర్ 'స్త్రీ 2' సంచలనం - మొదటి వారంలో రికార్డ్‌ వసూళ్లు - Stree 2 Collections
షారుక్, సల్మాన్తో అందుకే సినిమా చేయలేదు: శ్రద్ధా కపూర్ - Shraddha Kapoor
