SS Rajamouli Rama Dance Video : దర్శకధీరుడు రాజమౌళి గురించి ప్రత్యేకంగా చెప్పనక్కర్లేదు. బాహుబలి, RRRతో భారీ సక్సెస్లను సాధించి గ్లోబల్ వైడ్గా ఫేమ్ సంపాదించుకున్నారు. ప్రస్తుతం సూపర్ స్టార్ మహేశ్ బాబుతో కలిసి SSMB 29 ప్రీ ప్రొడక్షన్ పనులతో బిజీగా ఉన్నారు. మరి కొద్ది రోజుల్లోనే ఈ ప్రాజెక్టును గ్రాండ్ లాంఛ్ చేయనున్నారు. అయితే ఈ మధ్య చాలా రోజులుగా SSMB 29 పనులతో బిజీగా ఉన్న ఆయన ప్రస్తుతం కాస్త బ్రేక్ తీసుకున్నారు. తన ఫ్యామిలీకి సంబంధించిన ఓ చిన్న ఈవెంట్లో పాల్గొని సందడి చేశారు.
రాజమౌళి దంపతులు డ్యాన్స్ - అయితే ఇప్పటివరకు జక్కన్న తెరకెక్కించిన బడా సినిమాలను మాత్రమే మనం చూశాం. అలాగే తన సినిమాలతో పాటు ఇతర చిత్రాల ఈవెంట్లలో స్టేజ్పై మాట్లాడటం చూసి ఉంటాం. అయితే జక్కన్నలో మారో టాలెంట్ ఉందని చాలా మందికి ఇప్పుడే తెలిసింది. తాజాగా ఆయన పాల్గొన్న ఫ్యామిలీ ఫంక్షన్లో స్టేజ్పై చిందులేస్తూ ఆశ్చర్యపరిచారు. అది కూడా తన భార్య రమాతో కలిసి స్టెప్పులేస్తూ సందడి చేశారు. ప్రేమికుడు సినిమాలోని అందమైన ప్రేమ‌రాణి ఉత్త‌రాల‌కే పాటకు అదిరేలా చిందులేశారు. ప్రస్తుతం ఈ డ్యాన్స్ వీడియో తెలుగు సినీ ప్రేక్షకులను బాగా ఆకట్టుకుంటోంది. వారంతా దాన్ని తెగ షేర్ చేస్తూ కామెంట్ల వర్షం కురిపిస్తున్నారు. ఒకవేళ మీరు దీన్ని చూడకపోయి ఉంటే ఇక్కడ చూసేయండి.
పెళ్లి తర్వాత మళ్ళీ ఇప్పుడే ఇలా - వాస్తవానికి జక్కన్న దంపతులు గతంలో కూడా ఓ సారి డ్యాన్స్ వేశారు. వారి కుమారుడు ఎస్. ఎస్ కార్తికేయ వివాహ వేడుకలో కలిసి చిందులేశారు. ఆ తర్వాత మళ్లీ ఇప్పుడే ఇలా కలిసి స్టెప్పులేసింది. కానీ రాజమౌళి మాత్రం ఈ మధ్యలో ఓ సారి డ్యాన్స్ వేశారు. RRR సినిమాకు ఆస్కార్ వచ్చిన సందర్భంలో దర్శకుడు అనిల్ రావిపూడితో కలిసి 'నాటు నాటు' హుక్ స్టెప్ను రీ క్రియేట్ చేశారు. అది బాగా వైరల్ అయింది.
