Siddharth Aditi Rao Engagement : స్టార్ కపుల్ సిద్ధార్థ్, అదితి రావ్ హైదరీ జంట అభిమానులకు ఓ స్వీట్ సర్ప్రైజ్ ఇచ్చారు. తాము ఎంగేజ్డ్ అంటూ ఇన్స్టా వేదికగా పోస్ట్ చేశారు. ఆమె ఎస్ చెప్పిందంటూ సిద్ధార్థ్ సోషల్ మీడియా వేదికగా పోస్ట్ చేశారు. ఇక అదితి కూడా అతడు ఎస్ చెప్పాడంటూ తమ క్యూట్ ఫొటోను నెట్టింట పంచుకుంది. దీంతో అభిమానులు షాకయ్యారు. ఈ ఇద్దరూ సీక్రెట్గా పెళ్లి చేసుకున్నారన్న వార్తలు వైరల్ అవుతున్న సమయంలో ఈ జంట ఇలా పోస్ట్ పెట్టడం పట్ల ఆశ్చర్యం వ్యక్తం చేస్తున్నారు. అయితే అటు సిద్ధార్థ్ కానీ ఇటు అదితి కానీ ఆ రూమర్స్పై స్పందించలేదు.
'మహా సముద్రం' అనే సినిమాలో సిద్ధార్థ్, అదితి తొలిసారి పని చేశారు. ఆ సినిమా చిత్రీకరణ సమయంలోనే వీరి మధ్య పరిచయం ఏర్పడింది. అది కాస్త ప్రేమగా మారింది. అయితే గతంలోనే వీరిపై అనేక రూమర్స్ వచ్చాయి. అయితే అందులో ఏమాత్రం నిజం లేదంటూ ఈ ఇద్దరూ ఆ వార్తలను కొట్టిపారేశారు. తాము స్నేహితులం మాత్రమేనంటూ చెప్పుకొచ్చారు. అయితే ఈ జంట పలు ప్రాంతాలకు తిరుగుతూ సందడి చేసేవారు. కలిసి ఫొటోలు దిగి పోస్ట్ చేసేవారు.
అయితే తాజాగా ఈ జంట తెలంగాణ వనపర్తి జిల్లాలోని శ్రీ రంగాపూర్ రంగనాథ స్వామి దేవాలయంలో బుధవారం ఉదయం (మార్చి 27)న వివాహం చేసుకున్నట్లు కథనాలు చక్కర్లు కొట్టాయి. సీక్రెట్ ఈ జంట పెళ్లి చేసుకున్నారంటూ నెట్టింట ట్రెండ్ అయ్యింది. అందుకోసమే అదితి 'హీరామండీ: ది డైమండ్‌ బజార్‌' ఈవెంట్‌ కూడా హాజరు కాలేదన్నారు. కానీ ఈ జంట ఇప్పుడు ఇలా పోస్ట్ చేయడంతో ఫ్యాన్స్ కన్ఫ్యూజ్ అవుతున్నారు. అసలు వీరిద్దరికి పెళ్లి అయ్యిందా లేకుంటే ఎంగేజ్మెంట్ అయ్యిందా అంటూ కామెంట్లు పెడుతున్నారు.
ఇక సిద్ధార్థ్ కూడా తన అప్కమింగ్ మూవీస్ షూటింగుల్లో బిజీగా ఉన్నారు. ఇటీవలే ఆయన 'చిన్నా' సినిమాతో మంచి సక్సెస్ అందుకున్నారు. ఆ తర్వాత ఆయన ఇండియన్ 2లోనూ కీలక పాత్ర పోషిస్తున్నారు.
Actor Siddharth Emotional Video : స్టేజ్పై కన్నీటి పర్యంతమైన సిద్ధార్థ్.. ఎందుకో తెలుసా?
