Sharukh Khan Younger Son School Fees : ముంబయిలోని ప్రసిద్ధమైన విద్యా సంస్థల్లో ధీరూబాయ్ అంబానీ స్కూల్ కూడా ఒకటి. ఇందులో ఎంతో మంది సినీ సెలబ్రిటీలు, క్రికెటర్లు, రాజకీయ వేత్తల పిల్లలు చదువుకుంటున్నారు. అందులోబాలీవుడ్ బాద్షా షారుక్ ఖాన్ చిన్న కుమారుడు అబ్రామ్ ఖాన్ చదువుకుంటున్నాడు.
అయితే 2003లో స్థాపించిన ఈ స్కూల్లో ఇప్పటి వరకు ఎంతో మంది సెలబ్రిటీలు చదివారు. అందులో అలనాటి అందాల నటి శ్రీదేవి కుమార్తె జాన్వీ కపూర్, ఖుషీ కపూర్, సైఫ్ అలీఖాన్ తనయ సారా అలీఖాన్, కుమారుడు ఇబ్రహీం అలీ ఖాన్, క్రికెట్ దిగ్గజం సచిన్ తెందూల్కర్ పిల్లలు సారా టెందూల్కర్, అర్జున్ టెందూల్కర్ ఈ స్కూల్లో చదుకున్నవారే. కాగా, ప్రస్తుతం ఐశ్వర్యరాయ్- అభిషేక్ కుమార్తె ఆరాధ్య, క్రికెటర్ రోహిత్ శర్మ గారాల పట్టి సమైరా కూడా ఇదే స్కూల్లో చదువుతోంది. ఇటీవలే ఆ స్కూల్ యానువల్ ఫంక్షన్ కూడా ఎంతో గ్రాండ్గా జరిగింది. అందులో ఈ సెలబ్రిటీ కిడ్స్ అంతా కలిసి డ్యాన్స్ చేశారు. స్టేజీ డ్రామా కూడా చేసి అందరినీ అబ్బురపరిచారు.
దీంతో ఫ్యాన్స్ దృష్టి ఒక్కసారిగా ఈ స్కూల్పై పడింది. ఈ స్కూల్ గురించి తెలుసుకోవాలని నెట్టింట వెతకసాగారు. అయితే ఈ స్కూల్ ఫీజులు గురించి తెలిసి ఒక్కసారిగా షాకయ్యారు. ఎల్కేజీ నుంచి 7వ తరగతి వరకు ఫీజ్ నెలకు రూ. లక్షా డబ్బై వేల పైనే ఉంటుందని సమాచారం. ఇక 8వ తరగతి నుంచి టెన్త్ క్లాస్ వరకు రూ.4.48 లక్షలు, ఆ పైన చదువులకు నెలకు రూ.9.65 లక్షలు ఉంటుందట. ఈ లెక్కన షారుక్ కొడుకు అబ్రామ్ ఫీజు సంవత్సరానికి 20 లక్షల పైమాటే ఉంటుందని టాక్ నడుస్తోంది.
ఇక షారుక్ సినిమాల విషయానికి వస్తే - గతేడాది క్రిస్మస్ కానుకగా ఆయన డంకీ సినిమాతో ప్రేక్షకుల ముందుకొచ్చాడు. స్టార్ డైరెక్టర్ రాజ్ కుమార్ హిరానీ తెరకెక్కించిన ఈ మూవీలో షారుక్తో పాటు తాప్సీ, విక్కీ కౌశల్ నటించారు. భారీ అంచనాల నడుమ వచ్చిన ఈ మూవీ మిక్స్డ్ టాక్ అందుకుంది. ప్రస్తుతానికి ఆయన ఎటువంటి సినిమాలకు సైన్ చేసినట్లు వెల్లడించలేదు.
'షారుక్ దగ్గర 17 ఫోన్లు' - షాకింగ్ విషయాలు రివీల్ చేసిన ఫ్రెండ్
'షారుక్కు నేనంటే ఎంతో నమ్మకం- అందుకే ఆ విషయాలు నాతో షేర్ చేసుకున్నారు'
