Shahrukh Khan First House : బాలీవుడ్ సెలబ్రిటీ ఇళ్ల గురించి టాపిక్ రాగానే మొదటగా గుర్తుకొచ్చేది షారుక్ ఖాన్ ఇల్లు 'మన్నత్'. ముంబయిలో ల్యాండ్మార్క్గా మారిన ఈ ఇల్లును చూసి చాలా మంది సెలబ్రిటీలు తమ ఇళ్లను మరోసారి ప్రత్యేకంగా రీ డిజైన్ చేసుకున్నారట కూడా. అలాంటి ఇల్లు సొంతం చేసుకున్న షారూక్కు అది మొదటి ఇల్లు కాదట.
ఆయన తన తొలి ఇంటిని కొనుగోలు చేయడాని కోసం 1995లో పని చేసిన ఒక సినిమా నిర్మాత నుంచి అడ్వాన్స్ పేమెంట్ తీసుకున్నారట. తన సహ నటుడు ముకేశ్ ఖన్నా ఈ విషయాన్ని వెల్లడించారు. ప్రేమ్ లల్వానీ అనే నిర్మాత నుంచి తీసుకున్న అడ్వాన్స్ పేమెంట్‌తో కలిపి సుమారు రూ. 35లక్షల వరకూ వెచ్చించి తన తొలి ఇల్లును కొనుగోలు చేశారట షారుక్. ఈ విషయాన్ని షారుక్ కూడా పలు సందర్భాల్లో చెప్పారు కూడా.
ఆ తర్వాత బాంద్రాలో 'మన్నత్' కొనుగోలు చేశారు షారుక్. ఆ ఇంటిని తన నివాస యోగ్యంగా మార్చుకోవడానికి నానాతంటాలు పడాల్సి వచ్చిందని చెప్తుంటారు షారుక్. వారి ఆర్థిక స్థోమతకు మించి వెచ్చించి ఇంటిని కొనుగోలు చేయడం వల్ల ఇంటిని రిపేర్ చేయడానికి, ఫర్నిషింగ్ చేయడానికి కూడా డబ్బులు లేకుండాపోయాయని అప్పట్లో వెల్లడించారు కూడా. చివరికి హౌజ్ డిజైనర్ కోసం కూడా తమ దగ్గర డబ్బులు లేకుండాపోవడం వల్ల ఆ బాధ్యతను గౌరీనే తీసుకున్నారట.
ఆ రోజుల నుంచి బాలీవుడ్‌లో సినిమాలతో పాటు రియల్ ఎస్టేట్ రంగంలో రాణిస్తున్న టాప్ హీరోగా ఎదిగారు షారుక్. ఆయనే కాదు ఆయన కూతురు సుహానా ఖాన్ కూడా తండ్రికి తగ్గ కూతురిగా రియల్ ఎస్టేట్ రంగంలో పెట్టుబడులు పెడుతున్నారట.
ఇక షారుక్ సినిమాల విషయానికొస్తే సుజయ్ ఘోష్ తెరకెక్కిస్తున్న 'కింగ్' సినిమాలో నటిస్తున్నారు షారుక్. ఇందులో సుహానా ఖాన్‌తో పాటు అభిషేక్ బచ్చన్, అభయ్ వర్మలు కీలక పాత్రలు పోషిస్తున్నారు. అండర్ వరల్డ్ కింగ్‌లా వ్యవహరించే పాత్రలో కనిపిస్తున్నారు షారుక్. థ్రిల్లింగ్ కథాంశంతో తెరకెక్కిస్తున్నామని సినిమా యూనిట్ చెబుతోంది.
