Mokshagna Debut Heroine : నందమూరి బాలకృష్ణ వారసుడిగా మోక్షజ్ఞ - ప్రశాంత్ వర్మ కాంబోలో సినిమాపై రోజుకో బజ్ క్రియేట్ అవుతోంది. ఈ చిత్రాన్ని అధికారికంగా ప్రకటించినప్పటి నుంచి సినిమా ఎలా ఉండబోతుందా? అని నందమూరి అభిమానుల్లో భారీగా ఆసక్తి నెలకొంది. ఈ క్రమంలో మోక్షు డెబ్యూ మూవీలో హీరోయిన్ గురించి ఓ క్రేజీ వార్త సోషల్ మీడియాలో వైరల్ అవుతోంది.
మోక్షజ్ఞ మూవీలో హీరోయిన్గా ఓ స్టార్ హీరోయిన్ కూతురు నటిస్తుందనే గుసగుసలు వినిపిస్తున్నాయి. ఆమె ఎవరో కాదు బాలీవుడ్ హీరోయిన్ రవీనా టాండన్ కుమార్తె రాశి థడాని. ఈ యంగ్ బ్యూటీ మోక్షుతో రొమాన్స్ చేయనుందని వార్తలు వచ్చాయి. అయితే ఈ విషయంపై మేకర్స్ నుంచి ఎటువంటి క్లారిటీ లేదు. అయినప్పటికీ మోక్షజ్ఞకు జోడీగా రాశి కనిపించనున్నారని సోషల్ మీడియాలో టాక్ నడుస్తోంది. మోక్షజ్ఞ పక్కన నటించే హీరోయిన్ కోసం మేకర్స్ వెతుకున్నారు. ఈ క్రమంలో ఇలాంటి వార్తలు మరింత ఊపందుకోవడం గమనార్హం.
గ్రాఫిక్స్ మాయాజాలం
మోక్షజ్ఞ- ప్రశాంత్ వర్మ కాంబోలో ఇతిహాసాల స్ఫూర్తితో సోషియో ఫాంటసీ చిత్రంగా రూపొందుతున్నట్లు తెలుస్తోంది. హను- మాన్ లానే ఈ మూవీలోని భారీ గ్రాఫిక్స్ ఉంటుందని సమాచారం. అలాగే ఈ మూవీలో హీరో బాలకృష్ణ ఓ కీలక పాత్రలో కనిపించనున్నారని తెలుస్తోంది.
సినిమా విషయానికొస్తే, ఈ చిత్రాన్ని లెజెండ్‌ ప్రొడక్షన్స్‌ తో కలిసి ఎస్‌.ఎల్‌.వి.సినిమాస్‌ బ్యానర్ పై సుధాకర్‌ చెరుకూరి నిర్మిస్తున్నారు. బాలకృష్ణ కుమార్తె తేజస్విని నందమూరి సమర్పిస్తున్నారు. ఇతిహాసాల స్ఫూర్తితో సోషియో ఫాంటసీ చిత్రంగా రూపొందుతోంది. బాలయ్య విజన్‌కు అనుగుణంగా, చిరస్మరణీయంగా నిలిచిపోయేలా ఈ చిత్రం ఉంటుందని సినీ వర్గాలు అంటున్నాయి. ఇప్పటికే మోక్షజ్ఞ నటన, ఫైట్లు, డ్యాన్స్‌ ల్లో శిక్షణ తీసుకుని ప్రత్యేకంగా సన్నద్ధమయ్యారట.
ఆ రోజే మూవీ స్టార్ట్
ప్రశాంత్ వర్మ- మోక్షు కాంబోలో మూవీని పట్టాలెక్కించేందుకు మేకర్స్ రెడీ అయినట్లు సమాచారం అందుతోంది. మూవీ ప్రీ-ప్రొడక్షన్ పనులు పూర్తయ్యాయని, చిత్రాన్ని డిసెంబర్ 2న లాంఛ్ చేయాలని ప్లాన్ చేస్తోందట. డిసెంబర్ 2న క్లాప్ కొట్టి రెగ్యులర్ షూట్‌కు వెళ్లేందుకు దర్శకుడు ప్రశాంత్ వర్మ షెడ్యూల్ ప్రీపేర్ చేస్తున్నారని తెలుస్తోంది.
మోక్షజ్ఞ సినిమా షూట్ షురూ అయ్యేది అప్పుడే!
మోక్షజ్ఞ, ప్రశాంత్ వర్మ సినిమా - మొదటి అడుగు పడింది అక్కడే! - Mokshagna Prasanth Varma
