Ramcharan Doctorate : గ్లోబల్ స్టార్ రామ్ చరణ్ ఇప్పుడు 'డాక్టర్' రామ్ చరణ్ అయ్యారు. ఆయనకు నేడు (ఏప్రిల్ 13)న చెన్నైకి చెందిన వేల్స్ యూనివర్సిటీ స్నాతకోత్సవంలో భాగంగా గౌరవ డాక్టరేట్ అందించింది. కళా రంగానికి రామ్ చరణ్ చేస్తున్న సేవలకు గుర్తింపు ఈ డాక్టరేట్ను ప్రకటించారు. సినీ నిర్మాత, యూనివర్సిటీ ఛాన్సలర్ గణేశ్ అధ్యక్షతన జరిగిన ఈ వేడుకల్లో ఆల్ ఇండియా కౌన్సిల్ ఆఫ్ టెక్నికల్ ఎడ్యుకేషన్ అధ్యక్షుడు డీజీ సీతారాం అందజేశారు.
ఇక రామ్ చరణ్ డాక్టరేట్ అందుకున్న సందర్భంగా సోషల్ మీడియా వేదికగా పలువురు సెలబ్రిటీలు, ఫ్యాన్స్ కంగ్రాజ్యూలేషన్స్ చెప్తున్నారు. తనయుడి ఇంతటి ప్రతిష్టాత్మక అవార్డు పొందినందుకు చెర్రీ తండ్రీ చిరంజీవి ఉప్పొంగిపోయారు. సోషల్ మీడియా వేదికగా ఎమోషనల్ పోస్ట్ పెట్టి ఆశీర్వదించారు.
"ప్రఖ్యాత వేల్స్ యూనివర్శిటీ రామ్ చరణ్కు గౌరవ డాక్టరేట్ను అందించింది. ఈ మూమెంట్ ఒక తండ్రిగా నన్ను ఎమోషనలయ్యేలా చేస్తోంది. అంతే కాకుండా నేను ఎంతో గర్వపడుతున్నాను. ఇది ఒక ఉత్తేజకరమైన క్షణం. పిల్లలు తమ విజయాలను అధిగమించినప్పుడే ఏ తల్లిదండ్రులకైనా నిజమైన ఆనందం కలుగుతుంది. లవ్ యూ మై డియర్ డా.రామ్ చరణ్" అంటూ చిరంజీవి భావోద్వేగానికి లోనయ్యారు
మరోవైపు చెర్రీ బాబాయ్ నాగబాబు కూడా విష్ చేశారు. "తమిళనాడుకి చెందిన ప్రముఖ 'వెల్స్ యూనివర్సిటీ 'రామ్ చరణ్' ని గౌరవ డాక్టరేట్ తో సత్కరించారు, చిన్న వయసులోనే ఇలాంటి పురస్కారం అందుకున్నందుకు ఒక కుటుంబ సభ్యుడిగా సంతోషిస్తూ మరియు ఒక తెలుగువాడిగా గర్విస్తున్నాను. చరణ్ బాబు ఇలాంటి మరెన్నో కీర్తి శిఖరాలని అధిరోహించాలని మనస్పూర్తిగా కోరుకుంటున్నా" అంటూ ఎమోషనలయ్యారు. ఇదిలా ఉండగా, చిన్నాన్న పవన్ కల్యాణ్ కూడా చరణ్కు శుభాకంక్షలు తెలిపారు.
"చలనచిత్ర రంగంలో తనదైన పంథాలో పయనిస్తూ గ్లోబల్ స్టార్ గా గుర్తింపు సాధించిన రామ్ చరణ్కు గౌరవ డాక్టరేట్ దక్కడం సంతోషం కలిగించింది. రామ్ చరణ్కు మనస్ఫూర్తిగా నేను అభినందనలు తెలియజేస్తున్నాను. తమిళనాడులోని వేల్స్ విశ్వవిద్యాలయం వారు రామ్ చరణ్కు ఉన్న ప్రేక్షకాదరణ, చిత్ర పరిశ్రమకు అందిస్తున్న సేవలకు గుర్తింపుగా ఈ గౌరవాన్ని ప్రకటించడం ఎంతో ముదావహం. అంటూ పవన్ కొనియాడారు.
గ్లోబల్ స్టార్ రామ్ చరణ్కు అదంటే చాలా భయమట! - Ramcharan Happy Birthday
RC 16 షురూ కాకుండానే ట్రెండింగ్లోకి చరణ్ కొత్త సినిమా! - RAMCHARAN RC 17 Director
