Rajinikanth Biopic : శివాజీ రావ్ గైక్వాడ్ అంటే అంతగా తెలియకపోవచ్చు కానీ, సూపర్ స్టార్ రజనీకాంత్ అంటే అందరూ ఇట్టే గుర్తుపడుతారు. ఈ పేరు సౌత్, నార్త్లోనే కాదు ఓవర్సీస్లోనూ పాపులరే. ఆయన స్టైల్, డైలాగ్ డెలివిరీకి ఫిదా అయ్యే ఫ్యాన్స్, అప్పుడప్పుడు ఆయనలా మారిపోతుంటారు. ఆయన మేనరిజం ఫాలో అవుతుంటారు. ఓ బస్ కండక్టర్ స్థాయి నుంచి స్టార్ హీరోగా ఎదిగిన తీరు ఎంతో స్ఫూర్తిదాయకం. కామెడీ, యాక్షన్, ఎమోషన్ ఇలా అన్నింటినీ ఆయన అలవోకగా పండిస్తారు. ఆరుపదుల్లోనూ ఎంతో గ్రేస్తో డ్యాన్స్ చేస్తారు. అయితే 90స్ నుంచి ఇప్పటి వరకు ఎన్నో సార్లు ఆయన్ను సిల్వర్ స్క్రీన్పై చూశాము. అయితే ఇప్పుడు ఆయనలా మరోకరు స్క్రీన్పై కనిపించున్నారట. అదేంటని అనుకుంటున్నారా? త్వరలో ఆయన బయోపిక్ను తెరకెక్కించే ప్లాన్స్ జరుగుతున్నాయట.
బాలీవుడ్ నిర్మాత సాజిద్ నడియాద్వాలా రజనీ బయోపిక్ను స్క్రీన్పై చూపించేందుకు సన్నాహాలు చేస్తున్నారట. ఇప్పటికే ఈ సినిమాకు సంబంధించిన ప్రీ ప్రొడక్షన్ పనులు జరుగుతున్నాయని టాక్ నడుస్తోంది. భారీ బడ్జెట్తో ఈ చిత్రాన్ని రూపొందించేందుకు ఏర్పాట్లు జరుగుతున్నాయట. అంతే కాకుండా ఇటీవలె చెన్నైలోని రజనీ నివాసానికి సాజిద్ వెళ్లి కలుసుకోవడం వల్ల ఈ రూమర్స్కు ఇంకాస్త బలం చేకూరింది. ప్రస్తుతం సాజిద్ 'సికిందర్' అనే చిత్రానికి నిర్మాతగా వ్యవహరిస్తున్నారు. ఈ సినిమా ప్రస్తుతం షూటింగ్ దశలో ఉంది. దీంతో ఈ సినిమా తర్వాత ఆయన రజనీ బయోపిక్ మీద వర్క్ చేస్తారని సమాచారం.
మరోవైపు రజనీకాంత్ బయోపిక్లో హీరోగా ఎవరు నటిస్తారన్న విషయంపై అభిమానుల్లో ఆసక్తి నెలకొంది. ముఖ్యంగా కోలీవుడ్ హీరో ధనుశ్ పేరు నెట్టింట బాగా వినిపిస్తోంది. ఆయన అయితే రజినీ బయోపిక్కు పర్ఫెక్ట్ ఛాయిస్ అని అభిమానులు అంటున్నారు. కానీ ఆయన ఇప్పుడు ఇళయరాజా బయోపిక్ షూట్లో బిజీగా ఉన్నందు వల్ల, ధనుశ్ కోసం వెయిట్ చేస్తారా ? లేకుంటే ఇంకెవరినైనా తీసుకుంటారా అన్న ప్రశ్నలు మొదలయ్యాయి. ఇక 2025 నాటికల్లా ఈ సినిమా సెట్స్పైకి వెళ్లే అవకాశాలు ఉన్నాయని టాక్ నడుస్తోంది.
తలైవా 171 లేటెస్ట్ బజ్- రజనీ సినిమాలో టాలీవుడ్ 'కింగ్'! - Thalaivar 171
కేవలం రూ. 2 కోట్ల కలెక్షన్స్ - ఆ ఒక్క సినిమాతో రజనీ బీటౌన్ కెరీర్ డౌన్!
