Pushpa 2 Pre Booking Record : ఇంకా రిలీజ్ కూడా అవ్వలేదు అప్పుడే పలు రికార్డులను ఈజీగా బ్రేక్ చేస్తోంది 'పుష్ప ది రూల్'. డిసెంబర్ 5న ఈ చిత్రం పాన్ ఇండియా లెవెల్లో రిలీజవుతున్న నేపథ్యంలో తాజాగా ఈ ప్రీ సేల్‌ బుకింగ్స్ ఓపెన్‌ చేయగా, అందులో ఈ మూవీ టికెట్లు రికార్డు స్థాయిలో అమ్ముడవుతున్నాయట.
ఓవర్సీస్‌లో ఇప్పటికే ప్రీ సేల్‌ బుకింగ్స్లో జోరు చూపించిన ఈ సినిమా తాజాగా నార్త్లోనూ ఓ రేంజ్లో అమ్ముడువుతున్నాయని సినీ వర్గాల మాట. హిందీ వెర్షన్‌లో టికెట్స్‌ ఓపెన్‌ చేయగా, నిమిషాల్లోనే టికెట్లన్నీ బుక్ స్పీడ్గా బుక్ అవుతున్నాయట. ఈ క్రమంలో అక్కడ 24 గంటల్లోనే ఏకంగా లక్ష టికెట్స్‌ సేల్‌ అయ్యాయట.
అయితే ఈ బుకింగ్స్తో 'పుష్ప 2' ఓ అరుదైన రికార్డును తన ఖాతాలో వేసుకుంది. ఇప్పటికే బీటౌన్లో రికార్డులు సృష్టించిన టైగర్‌3 (65,000), యానిమల్‌ (52,500), డంకీ (42,000), స్త్రీ 2 (41,000) సినిమాలను 'పుష్ప2' బీట్ చేసింది. అలా బాలీవుడ్‌లో ఆల్‌ టైమ్‌ టాప్ సినిమాల లిస్ట్‌లో మూడో స్థానాన్ని కైవసం చేసుకుంది.
మరోవైపు ఈ సినిమా ప్రీసేల్‌ బుకింగ్స్‌లోనే ఇప్పటికే రూ.60కోట్లకు పైగా వసూలు చేసినట్లు ట్రేడ్‌ వర్గాల సమాచారం. దీంతో 'బాహుబలి', 'ఆర్‌ఆర్‌ఆర్‌', 'కేజీఎఫ్‌2'ల ఫస్ట్డే కలెక్షన్స్ను 'పుష్ప2' దాటేస్తుందని సినీ అభిమానులు భావిస్తున్నారు.
ప్రీ రిలీజ్ ఈవెంట్ కోసం భారీ ప్లానింగ్
మరోవైపు మూవీ రిలీజ్కు కౌంట్డౌన్ దగ్గర పడుతుండటం వల్ల 'పుష్ప2' టీమ్ తమ ప్రమోషనల్ ఈవెంట్స్ను ఫాస్ట్గా చేస్తోంది. ఇప్పటికే ముంబయి, కొచ్చి అభిమానులను పలకరించిన మూవీ టీమ్, సోమవారం హైదరాబాద్‌లో ఓ భారీ ప్రీ రిలీజ్ ఈవెంట్‌ను నిర్వహించనుంది. దీని కోసం సుమారు ఎనిమిది వేల మందికి పాసులు జారీ చేశారని సమచారం. అయితే ఈ ప్రోగ్రామ్కు చీఫ్ గెస్ట్గా ఎవరు రానున్నారన్న విషయంపై ఆసక్తి నెలకొంది. అభిమానులు కూడా ఆ అతిథి ఎవరో తెలుసుకోవాలని వెయిట్ చేస్తున్నట్లు సోషల్ మీడియాలో కామెంట్లు పెడుతున్నారు.
'పుష్ప' నుంచి పీలింగ్స్ సాంగ్ ఔట్- బన్నీ, రష్మిక క్రేజీ డ్యాన్స్
