సినిమా డైరెక్ట్ చేసింది అతడే- పొరపాటున నా పేరు వేసుకున్నా!: సుకుమార్

డైరెక్షన్ టీమ్​ పరిచయం చేసిన సుకుమార్- సక్సెస్​మీట్​లో ఇంట్రెస్టింగ్ కామెంట్స్​

Sukumar Pushpa : ఐకాన్ స్టార్ అల్లు అర్జున్- సుకుమార్ కాంబోలో తెరకెక్కిన పుష్ప 2 సూపర్ హిట్ టాక్​తో దూసుకెళ్తోంది. డిసెంబర్ 5న రిలీజైన ఈ సినిమా బ్లాక్ బస్టర్​గా నిలిచింది. భారతీయ సినీ చరిత్రలోనే భారీ స్థాయిలో ఓపెనింగ్స్ దక్కించుకుంది. ఈ క్రమంలోనే మేకర్స్ శనివారం సక్సెస్ మీట్ నిర్వహించారు. ఈ కార్యక్రమానికి హాజరైన దర్శకుడు సుకుమార్ ఆసక్తికర విషయాలు షేర్ చేసుకున్నారు.

ఈ మీట్​లో సుకుమార్ తన డైరెక్షన్ టీమ్​ను పరిచయం చేశారు. ఈ క్రమంలోనే తన అసిస్టెంట్ డైరెక్టర్ శ్రీమన్​ గురించి ఇంట్రెస్టింగ్​ కామెంట్స్ చేశారు. తనే సగం సినిమా డైరెక్ట్ చేసినట్లు చెప్పుకొచ్చారు. 'శ్రీమన్ సగం సినిమా డైరెక్ట్ చేశాడు. నిజంగా తనను మెచ్చుకోవాలి. నా టీమ్​లో అతను ఎలాంటి కల్మషం లేని వ్యక్తి. సినిమాలో హీరో చిన్ననాటి ఎపిసోడ్, ట్రక్ సీన్ దాదాపు 40శాతం సన్నివేశాలకు శ్రీమనే దర్శకుడు. అయితే డైరెక్టెడ్ బై 'శ్రీమాన్, సుకుమార్' అని వేయాలి. పోరపాటను నా పేరు వేసుకున్నా' అని సుకుమార్ అన్నారు.

" శ్రీమన్ సగం సినిమా డైరెక్ట్ చేశాడు, లెక్కకి డైరెక్టెడ్ బై సుకుమార్ & శ్రీమన్ అని వెయ్యాలి!" - #Sukumar about his Director Dept #Sriman pic.twitter.com/B3X18SWk6w

— Rajesh Manne (@rajeshmanne1) December 8, 2024

అప్పుడే రూ.500 కోట్లు
మరోవైపు, బాక్సాఫీస్ వద్ద పుష్ప ర్యాంపేజ్ కొనసాగుతోంది. ఈ సినిమా ఇప్పటికే దేశ వ్యాప్తంగా పలు రికార్డులు సొంతం చేసుకుంది. రిలీజైన మూడు రోజుల్లేనే వరల్డ్​​ వైడ్​​గా రూ.500 కోట్ల కలెక్షన్ మార్క్ దాటినట్లు మేకర్స్​ సక్సెస్ మీట్​లో చెప్పారు. 'నాకు డిస్టిబ్యూటర్లు ఫోన్ చేస్తున్నారు. మూడు రోజుల్లోనే సినిమా రూ. 500 కోట్లు క్రాస్ చేసిందని చెబుతున్నారు' అని ప్రొడ్యూసర్ అన్నారు. అలాగే ఓ పోస్టర్​తో అఫీషియల్ అనౌన్స్​మెంట్ కూడా ఇచ్చేశారు. దీంతో ఇండియన్ ఫిల్మ్ ఇండస్ట్రీలో వేగంగా రూ.500 కోట్ల మార్క్ అందుకున్న సినిమాగానూ పుష్ప రికార్డు కొట్టింది.

THE BIGGEST INDIAN FILM is a WILDFIRE AT THE BOX OFFICE and is SHATTERING RECORDS 🔥🔥#Pushpa2TheRule is now THE FASTEST INDIAN FILM to collect a gross of 500 CRORES WORLDWIDE ❤️‍🔥#RecordRapaRapAA 🔥

RULING IN CINEMAS

Book your tickets now!
🎟️ https://t.co/tHogUVEOs1… pic.twitter.com/63hLxGB29d

— Mythri Movie Makers (@MythriOfficial) December 7, 2024

నేషనల్ క్రష్ రష్మిక మంధన్నా హీరోయిన్​గా నటించగా, డ్యాన్స్ క్వీన్ శ్రీలీల స్పెషల్ సాంగ్​లో ఆడిపాడింది. స్టార్ నటుడు ఫహాద్ ఫాజిల్, సునీల్, జగపతిబాబు, అనసూయ తదితరులు ఆయా పాత్రల్లో నటించారు. దేవీ శ్రీ ప్రసాద్ సంగీతం అందించగా, మైత్రి మూవీ మేకర్స్ బ్యానర్​పై రవి, నవీన్ సంయక్తంగా నిర్మించారు.