Prabhas Rajasaab Update : ప్రస్తుతం వరుస విజయాలతో ఫుల్ జోష్‌ మీదున్నారు పాన్ ఇండియా స్టార్ ప్రభాస్. ఇప్పుడాయన చేతిలో ఉన్న సినిమాల్లో 'రాజాసాబ్' కూడా ఒకటి. మారుతి దర్శకత్వంలో ఇది తెరకెక్కుతోంది. రొమాంటిక్ హారర్‌ కామెడీగా రానున్న ఈ మూవీ గురించి తాజాగా చిత్ర నిర్మాత విశ్వప్రసాద్‌ కొన్ని ఆసక్తికరమైన విషయాలను చెప్పారు. ఇప్పటి వరకు ప్రభాస్ చేసిన సినిమాలన్నింటి కన్నా ఈ చిత్రం చాలా పెద్ద విజయం సాధిస్తుందని ధీమా వ్యక్తం చేస్తున్నారు.
"మేము సైలెంట్‌గా వస్తాం. పెద్ద సక్సెస్ సాధిస్తాం. ఈ చిత్రాన్ని ప్రారంభించినప్పుడు ప్రభాస్ లైనప్లో చాలా పెద్ద సినిమాలు ఉన్నాయి. ఇక ఈ మూవీ షూటింగ్ చాలా సైలెంట్‌గా మొదలై జరుగుతోంది. నిజానికి ఇది చాలా పెద్ద సినిమా. ఈ చిత్రం కోసం 38,000 చదరపు అడుగుల విస్తీర్ణంలో సెట్‌ వేశాం. ఇప్పటివరకు ఇండియాలో ఇంత భారీ సెట్‌ ఏ చిత్రానికి వేయలేదు. హారర్‌, రొమాంటిక్, యాక్షన్‌ ఇలా అన్ని ఎలిమెంట్స్ సినిమాలో ఉంటాయి. వీఎఫ్‌ఎక్స్కు పెద్దపీట వేశాం. మ్యూజిక్ కూడా నెక్స్ట్ లెవల్లో ఉంటుంది. ఫైట్స్‌, ఎఫెక్ట్స్‌ అన్నీ బాగుంటాయి" అని విశ్వ ప్రసాద్ చెప్పారు. దీంతో ప్రభాస్ అభిమానుల్లో మరింత అంచనాలు పెరిగాయి.
కాగా, మారుతి - ప్రభాస్ కాంబోలో రాబోతున్న మొదటి చిత్రమిది. నిధి అగర్వాల్, రిద్ధి కుమార్‌, మాళవిక మోహన్ హీరోయిన్లుగా నటిస్తున్నారు. 2025 ఏప్రిల్‌ 10న మూవీ రిలీజ్ కానుంది. ఇప్పటికే 'ఫ్యాన్‌ ఇండియా గ్లింప్స్‌' పేరుతో రిలీజైన స్పెషల్ వీడియో ఫ్యాన్స్ను బాగా ఆకట్టుకుంది. నిమిషంలోపు నిడివి ఉన్న ఆ వీడియోలో ప్రభాస్ స్టైలిష్ లుక్ ఫ్యాన్స్‌తో పాటు సినీ ప్రియుల్ని బాగా అలరించింది.
Producer Viswa Prasad Mr Bachchan Review : అలానే తాజాగా రిలీజైన రవితేజ మిస్టర్ బచ్చన్ రిజల్ట్పై కూడా విశ్వ ప్రసాద్ మాట్లాడారు. "మిస్టర్ బచ్చన్ రిజల్ట్పై కొన్ని ఎలిమెంట్స్ తీవ్ర ప్రభావాన్ని చూపాయి. ప్రస్తుతం ఈ చిత్రం థియేటర్‌లలో రన్ అవుతున్న నేపథ్యంలో ఇప్పుడు ఎక్కువగా మాట్లాడటం సరికాదు. నేను కూడా సినిమా చూశాను. కొన్ని సన్నివేశాల్లో హిందీ సాంగ్స్ను ఉపయోగించకపోతే బాగుండేదనిపించింది. ఫస్ట్‌ హాఫ్ ఓకే. రెండో భాగంలో కొన్ని మార్పులు చేసుంటే రిజల్ట్ మరోలా ఉండేది." అని చెప్పుకొచ్చారు.
ప్రభాస్ ఫ్యాన్స్కు అదిరే అప్డేట్ - వరే వరే వరే వచ్చేశాడు రాజా సాబ్ - Rajasaab Movie
భైరవ, రాయన్ వచ్చేశారు - ఈ వీకెండ్ OTTలో ఇంకా ఏఏ క్రేజీ మూవీస్ ఉన్నాయంటే? - This Week OTT Releases
