Prabhas Rajasaab Updates : పాన్ ఇండియా స్టార్ ప్రభాస్ హీరోగా మారుతి దర్శకత్వంలో రానున్న చిత్రం రాజా సాబ్. ఈ సినిమా అప్డేట్స్ కోసం డార్లింగ్ ఫ్యాన్స్తో పాటు సినీ ప్రియులంతా చాలా కాలంగా ఎదురుచూస్తున్న సంగతి తెలిసిందే. తాజాగా ఈ చిత్రంపై నిర్మాత శ్రీనివాస కుమార్‌(ఎస్‌కెఎన్‌) ఇంట్రెస్టింగ్ కామెంట్స్‌ చేశారు. శరవేగంగా షూటింగ్ జరుగుతున్నట్లు చెప్పుకొచ్చారు.
"అక్టోబర్ 23న రాజాసాబ్కు సంబంధించిన అప్డేట్స్ మొదలై ఆ తర్వాత వరుసగా వస్తాయి. దీని కోసం దర్శకుడు మారుతి, నిర్మాత విశ్వ ప్రసాద్‌ ప్లాన్స్ వేసుకున్నారు. త్వరలోనే రాజాసాబ్ అప్డేట్స్ గురించి వివరాలు చెబుతాం. అక్టోబర్ 23 నుంచి రిలీజ్ వరకు రాజాసాబ్ ప్రపంచంలోకి ఆడియెన్స్ను తీసుకెళ్తాం. మీడియా వాళ్లకు కూడా ఆ ప్రపంచాన్ని ప్రదర్శించి చూపిస్తాం. దర్శకుడు మారుతి ఒక్క రోజు కూడా వృథా కాకుండా షూటింగ్ చేస్తున్నారు. వినాయకచవితి, దసరా ఇలా ఏ పండగకు కూడా ఆయన సెలవు తీసుకోలేదు. అలానే కష్టపడుతున్నారు. అనుకున్న సమయంలో చిత్రాన్ని ప్రేక్షకుల ముందుకు తీసుకురావాలని పట్టుదలతో ఉన్నారు" అని చెప్పారు. కాగా, రాజా సాబ్ చిత్రం వచ్చే ఏడాది ఏప్రిల్‌ 10న (RajaSaab Release Date) థియేటర్లలో గ్రాండ్గా రిలీజ్ కానుంది.
RajaSaab Movie Budget : రాజా సాబ్ సినిమా విషయాని కొస్తే దర్శకుడు మారుతి - హీరో ప్రభాస్ కాంబోలో రానున్న మొదటి చిత్రమిది. పీపుల్‌ మీడియా ఫ్యాక్టరీ బ్యానర్పై టీజీ విశ్వ ప్రసాద్‌ భారీ బడ్జెట్తో నిర్మిస్తున్నారు. రూ.200 కోట్ల వరకు బడ్జెట్ ఉంటుందని కూడా ఆ మధ్య ప్రచారం సాగింది. నిధి అగర్వాల్, రిద్ధి కుమార్‌, మాళవిక మోహన్ హీరోయిన్లుగా ప్రభాస్ సరసన నటిస్తున్నారు.
సలార్, కల్కి 2898 ఏడీ వంటి భారీ బ్లాక్‌ బస్టర్‌ హిట్ సినిమాల తర్వాత ప్రభాస్ నుంచి రాబోతున్న చిత్రం ఇది. పైగా ప్రభాస్ ఎప్పుడు టచ్ చేయని జానర్లో హారర్ కామెడీగా రానుంది. సినిమాలో ప్రభాస్ సరికొత్త అవతారంలో కనిపించనున్నారని అంటున్నారు. ఆ మధ్య రిలీజైన ప్రభాస్కు సంబంధించిన స్టైలిష్ గ్లింప్స్ కూడా ఫ్యాన్స్ను బాగానే ఆకట్టుకుంది.
