Premalu OTT Mamitha Baiju : మలయాళంలో ఈ మధ్య కాలంలో వరుసగా సినిమాలు బ్లాక్ బస్టర్లు అవుతున్నాయి. భ్రమయుగం, మంజుమ్మెల్ బాయ్స్, ప్రేమలు ఇలా వరుసగా వచ్చి రూ.100 కోట్లకు పైగా వసూలు చేశాయి. తాజాగా వచ్చిన మలయాళీ చిత్రం ఆవేశం కూడా మంచి వసూళ్లను అందుకుంటూ పోతోంది. అయితే వీటిన్నింటిలో తెలుగువారిని ఎక్కువగా ఆకట్టుకుంది ప్రేమలు. రీసెంట్గా తెలుగు వెర్షన్లోనూ థియేటర్లలో రిలీజైన ఈ సినిమా మంచి హిట్ టాక్ తెచ్చుకుంది. ఇక తాజాగా వీకెండ్ స్పెషల్గా ఓటీటీలోకి వచ్చేసిందీ చిత్రం. వచ్చీ రాగానే డిజిటల్ ప్లాట్ఫామ్లోనూ టాప్ ట్రెండింగ్లో దూసుకుపోతోంది. సోషల్ మీడియా అంతా ప్రేమలు హ్యాష్ట్యాగే నడుస్తోంది.
మరీ ముఖ్యంగా ఈ చిత్రంలో హీరోయిన్ నటించిన మమితా బైజు పేరే వినిపిస్తుంది. అంతటా ఈమె ఫొటోలు, వీడియోలే చక్కర్లు కొడుతున్నాయి. మరోవైపు ఓటీటీలో ఇప్పటికే సంగీత దర్శకుడు జీవి ప్రకాశ్తో కలిసి ఆమె నటించిన రెబల్ కూడా మంచి ట్రెండింగ్ అవుతోంది.
దీంతో ఇప్పటికే మిమితాకు వచ్చిన క్రేజ్తో సౌత్ నిర్మాతలు కూడా ఆమెపై కర్చీఫ్ వేసేందుకు సిద్ధమవుతున్నారని తెలిసింది. అయితే ఈమెకు ఇది తొలి సినిమాయేం కాదు. 2017 నుంచి సినిమాల్లో నటిస్తూ ఇప్ప‌టి వ‌ర‌కు 18 సినిమాలకు పైగా నటించేసింది.2023లో ప్రణయ విలాసం, 2022లో సూపర్ శరణ్య, అంతకంటే ముందు 2021లో ఆపరేషన్ జావా, ఖోఖో సినిమాల్లోనూ కనిపించింది. వీటన్నిటి కన్నా ప్రేమలు సినిమానే ఆమెకు ఇక్కడ మంచి పేరు తెచ్చిపెట్టడమే కాకుండా స్టార్ హోదాలో కూర్చోబెట్టింది.
అయితే మన తెలుగు నిర్మాతలు ఒక అడుగు ముందే ఉంటారు కాబట్టి విజయ్ దేవరకొండ్ నటించబోయే తర్వాతి సినిమాకు మమితాను ఒప్పించేశారంటూ కొద్ది రోజుల నుంచి ఊహాగానాలు కూడా వినిపిస్తున్నాయి. మరి గ్లామర్ పాత్రలకు, స్కిన్ షోకు దూరంగా ఉండే మమితా బైజు ఈ ఫేంను ఎలా ఉపయోగించుకుంటుందో చూడాలి.
కాగా, రొమాంటిక్ కామెడీ చిత్రంగా రూపొందిన ప్రేమలు సినిమా దాదాపు రూ.10 కోట్లతో తెరకెక్కింది. ఫహద్ ఫాజిల్, దిలీప్ పోతన్, శ్యామ్ పుష్కరన్ సంయుక్తంగా నిర్మించిన ఈ చిత్రం లాంగ్ రాన్ టైమ్లో దాదాపు రూ.130 కోట్లకు పైగా వసూలు చేసింది. మంచి యూత్ ఫుల్ లవ్ స్టోరీ కావడంతో రాజమౌళి తనయుడు కార్తీకేయ ఈ సినిమాను తెలుగులో విడుదల చేశారు.
- " class="align-text-top noRightClick twitterSection" data="">
మలయాళంలో మరో సూపర్ హిట్ - పుష్ప విలన్ 'ఆవేశం'కు అదిరిపోయే కలెక్షన్స్! - Fahad fazil Aavesham
