Prabhas Spirit Movie : ఓ వైపు 'సలార్' సక్సెస్ను ఆస్వాదిస్తూనే మరోవైపు వరుస షెడ్యూళ్లతో బిజీగా ఉన్నారు రెబల్ స్టార్ ప్రభాస్. ప్రస్తుతం ఆయన మారుతి తెరకెక్కిస్తున్న'రాజాసాబ్'తో పాటు నాగ్అశ్విన్ 'కల్కి 2898 ఏడీ' సినిమా షూటింగుల్లో సందడి చేస్తున్నారు. దీంతో పాటు ప్రశాంత్ నీల్ 'శౌర్యంగ పర్వం' కూడా ప్రభాస్ లైనప్లో ఉంది. వీటన్నింటి తర్వాత కూడా ఆయన కాల్షీట్ ఫుల్ అయ్యిందంటే ప్రభాస్ క్రేజ్ ఎలా ఉందో ప్రత్యేకంగా చెప్పనక్కర్లేదు.
ఇదిలా ఉండగా, ప్రభాస్ - యానిమల్ డైరెక్టర్ సందీప్ రెడ్డి వంగా కాంబోలో ఓ సాలిడ్ మూవీ రూపొందనుంది. దీనికి 'స్పిరిట్' అనే టైటిల్ను కూడా మేకర్స్ ఎప్పుడో ఫిక్స్ చేసిన సంగతి తెలిసిందే. టీ సిరీస్ భూషణ్ కుమార్, సందీప్ వంగ సంయుక్త ఈ సినిమాను సంయుక్తంగా నిర్మించనున్నారు.
అయితే తాజాగా ఈ సినిమా గురించి ఓ ఇంట్రెస్టింగ్ అప్డేట్ను డైరెక్టర్ సందీప్ రివీల్ చేశారు. ఓ ఈవెంట్లో పాల్గొన్న ఆయన స్పిరిట్ గురించి ఆసక్తికరమైన విషయాలు పంచుకున్నారు. 'స్పిరిట్' సినిమా ప్రస్తుతం ప్రీ ప్రొడక్షన్ వర్క్ జరుగుతుందంటూ పేర్కొన్నారు.
-
SRV: Now I'm working on #Spirit with #Prabhas Garu, It's a Story of Sincere Police! 🥵🤯💥 pic.twitter.com/kb7HdmxBrO
— :/ (@charanvicky_) February 28, 2024
దీంతో పాటు ఈ సినిమాలో ప్రభాస్ రోల్ గురించి కూడా చెప్పారు. ఇది ఒక సిన్సియర్ పోలీస్ ఆఫీసర్ స్టోరీ అని అందులో ప్రభాస్ రోల్ ఓ రేంజ్లో ఉంటుందంటూ చెప్పుకొచ్చారు. దీంతో ఈ సినిమాపై భారీ అంచనాలు నెలకొన్నాయి. ప్రభాస్ను ఎప్పుడెప్పుడు ఖాకీ దుస్తుల్లో చూస్తామంటూ ఫ్యాన్స్ ఆతృతగా ఎదురుచూస్తున్నారు.
Prabhas Kalki 2898 AD: మరోవైపు ప్రభాస్ నాగ్ అశ్విన్ డైరెక్షన్లో 'కల్కి 2898 AD' షూటింగ్లో బిజీగా ఉన్నారు. ఈ సినిమా 2024 మే 9న వరల్డ్వైడ్గా గ్రాండ్గా రిలీజ్ కానున్నట్లు రీసెంట్గా మేకర్స్ ప్రకటించారు. సైన్స్ ఫిక్షన్ జానర్లో తెరకెక్కుతున్న ఈ సినిమాలో బాలీవుడ్ బ్యూటీ దిపికా పదుకొణె, దిశా పటానీ, అమితాబ్ బచ్చన్, కమల్ హాసన్ తదితరులు నటిస్తున్నారు. వైజయంతీ మూవీస్ బ్యానర్పై అశ్వనీ దత్ ఈ సినిమాను నిర్మిస్తున్నారు.
6 వేల సంవత్సరాల కథతో 'కల్కి' - టైటిల్ సీక్రెట్ ఇదే : నాగ్ అశ్విన్
ప్రభాస్ జాన్ జిగ్రీ దోస్త్ ఆ మెగా హీరో అని మీకు తెలుసా? - సీక్రెట్ రివీల్!
