Prabhas Sandeep Spirit: 'యానిమల్' సక్సెస్తో ఉత్సాహంగా ఉన్నారు డైరెక్టర్ సందీప్ రెడ్డి వంగా. ఇక నెక్ట్స్ రెబల్ స్టార్ ప్రభాస్తో చేయబోయే స్పిరిట్పై ఆయన దృష్టి పెట్టారు. ఈ క్రమంలో రీసెంట్గా పాల్గొన్న ఓ ఇంటర్వ్యూలో తాను 'స్పిరిట్' సినిమా విజయం పట్ల కాన్ఫిడెంట్గా మాట్లాడారు. ఇప్పటికే సినిమా స్ట్రిప్ట్ 60 శాతం పూర్తైందన్న ఆయన సినిమా ఫస్ట్ డే కలెక్షన్ అప్పుడే అంచనా వేసేశారు.
దాదాపు రూ.300 కోట్లతో తెరకెక్కనున్న 'స్పిరిట్' సినిమా ప్రభాస్ స్టార్డమ్తో దేశవ్యాప్తంగా ఓపెనింగ్ రోజే (ఫస్ట్ డే) రూ.150 కోట్లు వసూల్ చేస్తుందని ధీమా వ్యక్తం చేశారు. ప్రభాస్తో మూవీ అనగానే రూ.300+ కోట్లు కూడా ఇన్వెస్ట్ చేయడానికి ముందుకొచ్చే ప్రొడ్యుసర్లు ఉన్నారని సందీప్ అన్నారు. ఈ నేపథ్యంలోనే భారీ బడ్జెట్తో రూపొందనున్న స్పిరిట్, ప్రభాస్ ఇమేజ్తోనే టీజర్, ట్రైలర్, ఆడియో రిలీజ్, ప్రీ ప్రమోషన్స్తోపాటు శాటిలైట్, డిజిటల్ రైట్స్తోనే పూర్తి బడ్జెట్ రికవరీ అయ్యే అవకాశం ఉందని సందీప్ అభిప్రాయపడ్డారు.
ఇక 2024 నవంబర్ లేదా డిసెంబర్లో ఈ సినిమా షూటింగ్ ప్రారంభమవుతుందని సందీప్ అన్నారు. ఈ సినిమాలో ప్రభాస్ సిన్సియర్ పోలీస్ ఆఫీసర్ పాత్రలో కనిపిస్తారని సందీప్ అన్నారు. స్పిరిట్కు ముందే ప్రభాస్తో ఒక హాలీవుడ్ రీమేక్ చేసే అవకాశం వచ్చినా, ఈ సినిమా కోసం దానిని ఒప్పుకోలేదన్నారు. ఇక ఇప్పటికే యానిమల్ సినిమాతో సందీప్ మార్కెట్ పెరిగింది. ఈ సినిమా వరల్డ్వైడ్గా రూ.900 కోట్ల మార్క్ అందుకుంది.ఇప్పుడు ప్రభాస్ లాంటి పాన్ ఇండియా స్టార్తో సినిమా సందీప్ స్థాయిని మరింత పెంచుతుందనడంలో ఎలాంటి సందేహం లేదు.
ప్రస్తుతం సందీప్ రెడ్డి యానిమల్ సిక్వెల్ షూటింగ్ పనుల్లో బిజీగా ఉన్నారు. ప్రభాస్ కూడా బ్యాక్ టు బ్యాక్ సినిమా షూటింగ్స్తో బిజీగా ఉన్నారు. నాగ్ అశ్విన్ దర్శకత్వంలో తెరెకెక్కుతున్న 'కల్కి 2898 AD' మే 9న ప్రేక్షకుల ముందుకు రావాల్సి ఉంది. కానీ, పలు కారణాల వల్ల సినిమా పోస్ట్పోన్ అయ్యే ఛాన్స్ ఉందంటున్నారు. ఈ విషయంపై స్పష్టత రావాల్సి ఉంది.
'కల్కి' విషయంలో బాంబ్ పేల్చిన కమల్ హాసన్ - ఇలా షాకిచ్చారేంటి? - Kalki 2898 Ad kamal Haasan
