Prabhas Pakistan Heroine: రెబల్ స్టార్ ప్రభాస్ ప్రస్తుతం 'కల్కి' సినిమా విజయాన్ని ఎంజాయ్ చేస్తున్నారు. ఈ సినిమా ఇప్పటికే వరల్డ్వైడ్గా రూ.1000కోట్లు వసూల్ చేసి, బాక్సాఫీస్ వద్ద రికార్డులు సృష్టిస్తోంది. ఇక ప్రభాస్ తన తదుపరి ప్రాజెక్ట్లపై దృష్టి పెట్టారు. ఈ క్రమంలో ఇటీవల 'సీతారామం' ఫేమ్ డైరెక్టర్ హను రాఘవపుడితో ఓ సినిమాకు కూడా ప్రభాస్ గ్రీన్ సిగ్నల్ ఇచ్చారు. ఈ సినిమా రొమాంటిక్ యాక్షన్ డ్రామాగా తెరకెక్కనుంది.
అయితే ఈ ప్రాజెక్ట్పై తాజాగా ఓ ఇంట్రెస్టింగ్ బజ్ క్రియేట్ అయ్యింది. ఈ సినిమాలో పాకిస్థాన్ హీరోయిన్తో హీరో ప్రభాస్ రొమాన్స్ చేయనున్నారని ఇన్సైడ్ టాక్ వినిపిస్తోంది. ఈ సినిమా కోసం పాన్ఆసియా నటిని తీసుకోవాలని మేకర్స్ భావిస్తున్నట్లు ప్రచారం సాగుతోంది. ఈ నేపథ్యంలో పాకిస్థాన్ హీరోయిన్ సజల్ అలీని సంప్రదిస్తున్నట్లు తెలుస్తోంది. అయితే ఈ విషయంపై క్లారిటీ రావాల్సి ఉంది. కాగా, మైత్రి మూవీ మేకర్స్ ఈ సినిమాను భారీ బడ్జెట్తో నిర్మిస్తోంది. ఈ ప్రాజెక్ట్పై త్వరలోనే అఫీషియల్ అనౌన్స్మెంట్ రానుంది.
ప్రస్తుతం ప్రభాస్ చేతిలో 'కల్కి' సీక్వెల్తోపాటు 'సలార్- 2', 'రాజాసాబ్', 'స్పిరిట్' సినిమాలు ఉన్నాయి. ఇందులో మారుతి దర్శకత్వంలో తెరకెక్కుతున్న రాజాసాబ్ ప్రస్తుతం షూటింగ్ జరుపుకుంటుంది. ఈ సినిమా హార్రర్ కామెడీ థ్రిల్లర్ జానర్రో రూపొందనుంది. ఇందులో మాళవికా మోహనన్, నిధి అగర్వాల్, రిద్ధి హీరోయిన్లుగా నటిస్తున్నట్లు తెలుస్తోంది. వేగంగా షూటింగ్ కంప్లీట్ చేసి 2025 సంక్రాంతికి సినిమా విడుదల చేయాలని మేకర్స్ భావిస్తున్నట్లు సమాచారం.
కాగా, స్టార్ డైరెక్టర్ సందీప్రెడ్డి వంగతో చేస్తున్న స్పిరిట్ ఇంకా స్ట్రిప్ట్ వర్క్ జరుపుకుంటుంది. ఈ సినిమాలో ప్రభాస్ పవర్ఫుల్ పోలీసు అధికారి పాత్రలో కనిపించనున్నారని టాక్. అయితే ఈ సినిమాలో హీరోయిన్ ఇంకా కన్ఫార్మ్ కాలేదు. ప్రభాస్ మినహ ఇతర నటీనటుల వివరాలు కూడా తెలియాల్సి ఉంది. ఈ సినిమా త్వరలోనే పట్టాలెక్కే ఛాన్స్ ఉంది. అన్నీ అనుకున్నట్లు జరిగితే 2026 చివరికల్లా స్పిరిట్ను థియేటర్లలో చూడవచ్చు.
ప్రభాస్ లైనప్లో చిన్న మార్పు - ఆ స్టార్ డైరెక్టర్ సినిమా వెనక్కి! - Prabhas Movies Lineup
'ప్రభాస్కు అదంతా రొటీన్ - నాకు మాత్రం వెరీ స్పెషల్' - Kalki 2898 AD Amitabh Bachan
