Prabhas New Look : టాలీవుడ్ స్టార్ హీరో ప్రభాస్ ప్రస్తుతం వరుస సినిమా షూటింగుల్లో బిజీగా ఉన్నారు. శస్త్రచికిత్స కారణంగా ఇంతకాలం షూటింగులకు దూరంగా ఉన్న ఆయన ఇప్పుడు మళ్లీ ఫామ్లోకి వచ్చి వరుస చిత్రీకరణలో పాల్గొంటున్నారు. ఇందులో భాగంగా తాజాగా 'రాజా సాబ్' సెట్స్లోకి అడుగుపెట్టారు.
ఇక ప్రభాస్ను చూసిన కొంత మంది ఫ్యాన్స్ ఆయన్ను వీడియో తీసి దాన్ని నెట్టింట షేర్ చేశారు. అందులో అందులో ఆయన గడ్డం, జుట్టుతో పాటు తన డ్రెస్సింగ్ స్టైల్ను కూడా మార్చారు. ప్రస్తుతం ఈ వీడియో నెట్టింట తెగ ట్రెండ్ అవుతోంది. ఈ వీడియో చూసిన డార్లింగ్ ఫ్యాన్స్ ఆనందంతో ఉబ్బితబ్బిపోతున్నారు. వింటేజ్ ప్రభాస్ తిరిగొచ్చారంటూ కామెంట్లు పెడుతున్నారు. ఈ సినిమాను త్వరగా రిలీజ్ చేస్తే బాగున్ను అంటూ అభిప్రాయం వ్యక్తం చేస్తున్నారు.
డైరెక్టర్ మారుతి రూపొందిస్తున్న ఈ హారర్ కామెడీ మూవీ ప్రస్తుతం శరవేగంగా చిత్రీకరణ జరుపుకుంటోంది. ఇందులో ప్రభాస్ వింటేజ్ డార్లింగ్ లా కనిపించనున్నట్లు మూవీ పోస్టర్ ద్వారా తెలుస్తోంది. ప్రస్తుతం ఈ మూవీ షూటింగ్ హైదరాబాద్లో జరుగుతోంది. ప్రభాస్తో పాటు ఈ సినిమాలో నిధి అగర్వాల్, మాళవిక మోహనన్ కీలక పాత్రలు పోషిస్తున్నారు.
-
#TheRajaSaab Look 👑 Just Now I got confirmation that it's from latest schedule of the movie "THE RAJA SAAB"@DirectorMaruthi 👏 efforts to satisfy our fans and we are going to witness the energetic RebelStar PRABHAS.@SKNonline @peoplemediafcy #Prabhaspic.twitter.com/ojzVmRzjan
— Prabhas Fan (@ivdsai) April 18, 2024
మరోవైపు ఈ సినిమా నుంచి త్వరలో ఫస్ట్ సింగిల్ రిలీజ్ అవ్వనున్నట్లు వార్తలు వస్తున్నాయి. తాజాగా ప్రభాస్, నిధి అగర్వాల్ పై ఈ పాట చిత్రీకరణ జరుగుతున్నట్లు తెలుస్తోంది. అయితే హీరో తేజ సజ్జా కూడా ఈ విషయంపై హింట్ ఇచ్చారు. తాజాగా ఓ ఈవెంట్లో "నాకెందుకో రాజాసాబ్ నుంచి త్వరలో ఓ సాంగ్ రాబోతుందని డౌట్ గా ఉంది" అని అన్నారు. దీంతో ఆ వార్తలు నిజమే అని కామెంట్లు పెడుతున్నారు.
ఇదిలా ఉండగా, ప్రభాస్ సందీప్ వంగాతో 'స్పిరిట్', అలాగే ప్రశాంత్ నీల్తో 'సలార్' సినిమాలు చేస్తున్నారు. ఇవన్నీ కూడా షూటింగ్ దశలోనే ఉన్నాయి. వీటితో పాటు నాగ్ అశ్విన్ 'కల్కి 2898' సినిమా కూడా ప్రభాస్ లైనప్లో ఉంది.
ప్రభాస్ రాజాసాబ్ లేటెస్ట్ లీక్ - సెట్స్లోకి అడుగుపెట్టిన ఆ హీరోయిన్! - Prabhas Rajasaab
