Prabhas Movies Lineup : పాన్ ఇండియన్ స్టార్ ప్రభాస్ కల్కి 2898 సక్సెస్తో విజయోత్సాహంలో ఉన్నారు. నాగ్ అశ్విన్ దర్శకత్వం వహించిన ఈ చిత్రం దాదాపు రూ. 1000 కోట్లకుపైగా వసూళ్లను సాధించింది. రూ.1100 కోట్ల(Prabhas Kalki 2898 AD Collections) దిశగా పరుగులు పెడుతోంది. అయితే ప్రస్తుతం ప్రభాస్ ఫారెన్ వెకేషన్లో ఎంజాయ్ చేస్తున్నారట! త్వరలోనే దాన్ని ముగించుకుని స్వదేశానికి తిరిగి రానున్నారు.
కానీ మరోవైపు ప్రేక్షకులు మాత్రం ప్రభాస్ నుంచి ఏ సినిమా వస్తుందా అని ఎంతో ఆసక్తిగా ఎదురుచూస్తున్నారు. ఈ క్రమంలోనే సినీ వర్గాలు నుంచి అందిన సమాచారం ప్రకారం డార్లింగ్ తిరిగి రాగానే మిగిలిపోయిన మారుతి రాజాసాబ్ను పూర్తి చేస్తారని చెబుతున్నారు. ఎలాగైనా ఈ చిత్రాన్ని ఈ ఏడాదే విడుదలచేయాలని నిర్ణయించుకున్నారట.
దీని తర్వాత ప్రభాస్ మరో రెండు చిత్రాలకు సైన్ చేశారు. అందులో ఒకటి సందీప్ రెడ్డి వంగా స్పిరిట్. రెండోది హను రాఘవపూడి ఫౌజి. ఈ రెండింటిలో ముందుగా స్పిరిట్ మొదలు పెట్టాలనేది ప్రణాళిక. కానీ ఇప్పుడా ఆ చిత్రం ప్రీ ప్రొడక్షన్ వర్క్, స్క్రిప్ట్ వర్క్ ఆలస్యం అయ్యే అవకాశాలు కనిపిస్తున్నాయి. కాబట్టి ఇప్పుడు ప్రభాస్ లైనప్లో చిన్న మార్పులు ఉండొచ్చని తెలిసింది. స్పిరిట్ వెనక్కి వెళ్లి ఫౌజీ ముందుకు వచ్చే ఛాన్స్ ఉందట. లేదంటే రెండు చిత్రాలను ఒకే సమయంలో షూట్ చేసే అవకాశాలను కూడా పరిశీలిస్తున్నారట. చూడాలి మరి ఏం జరుగుతుందో.
Prabhas Spirit Movie : స్పిరిట్ సినిమా విషయానికొస్తే పూర్తి వైలెన్స్ బ్యాక్డ్రాప్తో తెరకెక్కనుంది. ఇందులో ప్రభాస్ పోలీస్ ఆఫీసర్గా కనిపించబోతున్నారట. ఇక హను రాఘవపూడి సినిమా ఒక పీరియాడిక్ డ్రామాగా రూపొందుతోంది. ఇందులో మృణాల్ ఠాకూర్ను హీరోయిన్గా తీసుకునే ఛాన్స్ ఉంది. 1940ల బ్యాక్ డ్రాప్లో బ్రిటీష్ కాలం నాటి సినిమాగా దీన్ని తెరకెక్కిస్తున్నారు. ప్రభాస్ జవాన్ పాత్రలో నటించనున్నారట(Prabhas Hanu Raghavapudi Movie). మైత్రి మూవీ మేకర్స్ భారీ బడ్జెట్తో నిర్మిస్తోంది.
టికెట్ బుకింగ్స్లో 'కల్కి' ఆల్టైమ్ రికార్డ్ - ఎన్ని అమ్ముడుపోయాయంటే?
