Prabhas Kalki NTR : ఇండియన్ సినిమాలో అత్యంత ప్రతిష్టాత్మకంగా భారీ బడ్జెట్‌తో భారీ కాస్టింగ్‌తో తెరకెక్కుతున్న సినిమా కల్కి. ప్రయోగాత్మకంగా రూపొందిస్తున్న ఈ చిత్రం ఒకవేళ భారీ హిట్‌ అయితే మాత్రం ఇండస్ట్రీ రికార్డులు బద్దలైపోతాయి. అయితే ఈ చిత్రంలో ప్రభాస్‌తో పాటు బిగ్‌ బీ అమితాబ్‌ బచ్చన్, బోల్డ్ బ్యూటీస్ దీపికా పదుకొణె, దిశా పటానీ, యూనివర్స్ స్టార్ కమల్‌ హాసన్‌ మెయిన్‌ కాస్టింగ్‌గా ఉన్న సంగతి తెలిసిందే. వీరితో పాటు రౌడీ హీరో విజయ్‌ దేవరకొండ, మలయాళ స్టార్ దుల్కర్‌ సల్మాన్‌, విలక్షణ నటుడు రానా, దర్శకధీరుడు రాజమౌళి, రామ్‌గోపాల్‌ వర్మ సహా పలువురు గెస్ట్ రోల్లో కనిపించనున్నారని అంటున్నారు. అయితే ఈ స్టార్స్తో పాటు యంగ్ టైగర్ ఎన్టీఆర్ కూడా అతిథి పాత్రలో నటించనున్నారని ఆ మధ్య జోరుగా ప్రచారం సాగింది. ఓ చిన్న కామియో రోల్లో కనిపిస్తారని టాక్ వినిపించింది.
అయితే తాజాగా ఈ విషయంపై ఆన్సర్ ఇచ్చారు ఈ మూవీకి స్క్రిప్ట్ రైటింగ్‌లో పనిచేస్తున్న ఫ్రీలాన్స్ రైటర్ కేశవ చంద్ర. సోషల్ మీడియాలో నెటిజన్లతో ముచ్చటిస్తూ ఎన్టీఆర్ కామియోపై మాట్లాడారు. కల్కిలో తారక్ నటిస్తున్నారా అని ఓ నెటిజన్ అడగగా - మీరు సినిమాలోనే చూసి తెలుసుకోండి అంటూ బదులిచ్చారు. దీంతో పాటే సినిమాకు సంబంధించి మరిన్ని వివరాలను తెలిపారు.
చిత్రంలో మైథలాజికల్ ఎలిమెంట్స్ ఉంటాయని, రామాయణం, మహాభారతానికి సంబంధించిన అంశాలు కూడా ఉంటాయని చెప్పారు. అయితే సినిమాకు సంబంధించి క్రియేటివ్‌ వర్క్ విషయంలో మూవీటీమ్తో చిన్న మనస్పర్థలు వచ్చాయని, అందువల్ల సినిమా గురించి ఎక్కువగా చెప్పలేనని అన్నారు. మూవీ సక్సెస్‌ తర్వాతే తాను మాట్లాడతానని చెప్పారు. స్క్రిప్ట్ పరంగా అయితే కథ వేరె లెవల్లో ఉంటుందని, ఇండియన్ మూవీ స్టాండర్డ్స్ను గట్టిగా సెట్‌ చేసేలా మూవీ ఉంటుందని అన్నారు. మూవీలో కమల్‌ హాసన్‌ నటిస్తున్నారంటే కల్కి చిత్రం ఏ లెవల్లో ఉండబోతుందో అర్థం చేసుకోవచ్చు అని ఆయన పేర్కొన్నారు.
కల్కిలోని ఓ డైలాగ్‌ను కూడా లీక్‌ చేశారు ఆయన. నాకు నేను ఏమీ కాదు, అస్సలు ఏమీ కాదు అనే సంభాషణను చెప్పారు. అయితే దీన్ని సినిమాలో వాడారో తెలీదని చెప్పుకొచ్చారు. ఈ విషయాలన్నీ తెలుసుకున్న ప్రభాస్ అభిమానులు పండగ చేసుకుంటున్నారు. ముఖ్యంగా తారక్ అభిమానులైతే ప్రభాస్ - ఎన్టీఆర్ కలిసి కనిపిస్తే వెండితెర షేకే అంటూ కామెంట్లు చేస్తున్నారు.
- " class="align-text-top noRightClick twitterSection" data="">
కొత్త వారం షురూ - ఈటీవీలోకి బోలెడు తెలుగు సినిమాలు - మీరేం చూస్తారు?
