Prabhas Happy Birthday Rerelease Movies : పాన్ ఇండియా స్టార్ ప్రభాస్ పుట్టిన రోజు అక్టోబర్ 23. అయితే గత కొంత కాలంగా హీరోల పుట్టినరోజులకు వారికి సంబంధించిన పాత చిత్రాలను రీరిలీజ్ చేస్తున్నారు. అలా ఈ సారి కూడా డార్లింగ్ బర్త్ డేకు కూడా ప్రభాస్ పాత్ర సినిమాలను మళ్లీ విడుదల చేయనున్నారు. కానీ ఒకటి కాదు రెండు కాదు ఏకంగా ఆరు చిత్రాలను రిలీజ్ చేస్తున్నారు. ఇంతకీ ఆ చిత్రాలేంటో తెలుసుకుందాం.
ప్రభాస్ ఈ అక్టోబర్ 23న తన 45వ పుట్టిన రోజు జరుపుకోబోతున్నారు. బాహుబలి 2 తర్వాత వరుస ఫ్లాప్లను అందుకున్న ఆయన సలార్, కల్కి 2898 ఏడీ చిత్రాలతో భారీ సక్సెస్లను అందుకున్నారు. దీంతో ఆయన ఫ్యాన్స్ రెట్టింపు ఉత్సాహంతో ప్రభాస్ పుట్టిన రోజు వేడుకలను జరుపుకోనున్నారు. ఇందులో భాగంగానే ఏకంగా ఆరు సినిమాలు థియేటర్లలో రీరిలీజ్కు రెడీ అవుతున్నాయి.
ఈశ్వర్ - ప్రభాస్ హీరోగా పరిచయం అయిన చిత్రం ఈశ్వర్. శ్రీదేవి విజయ్ కుమార్ హీరోయిన్గా నటించింది. అందుకే ఈ చిత్రాన్ని కూడా ప్రభాస్ బర్త్ డే సందర్భంగా థియేటర్లలో మళ్లీ విడుదల చేస్తున్నారు.
సలార్ పార్ట్ 1 - సలార్ పార్ట్ 1 గతేడాది థియేటర్లలో రిలీజై భారీ వసూళ్లను సాధించింది. ఈ సినిమాతోనే అప్పటి వరకు ఫ్లాపుల్లో ఉన్న ప్రభాస్ మళ్లీ సక్సెస్ ట్రాక్ ఎక్కారు. ప్రశాంత్ నీల్ ఈ చిత్రానికి దర్శకత్వం వహించారు. రీసెంట్గానే ఈ యాక్షన్ థ్రిల్లర్‌ హిందీ టీవీ ప్రీమియర్‌లోనూ సత్తా చాటి రికార్డును కైవసం చేసుకుంది. ఇప్పుడు రీరిలీజ్కు సిద్ధమవుతోంది. త్వరలోనే సలార్ 2 శౌర్యాంగపర్వం సెట్స్పైకి వెళ్లనుంది.
రెబల్ - ప్రభాస్ నుంచి వచ్చిన మరో సూపర్ ఫిల్మ్ రెబల్. కానీ ఇది బాక్సాఫీస్ దగ్గర మిక్స్డ్ రివ్యూస్ను అందుకుంది. యంగ్ రెబల్ స్టార్గా పరిశ్రమకు వచ్చిన ప్రభాస్ ఈ చిత్రంతోనే రెబల్గా మారిపోయారు. ఈ చిత్రం ఇప్పుడు రీరిలీజ్ ద్వారా మరోసారి తన అదృష్టాన్ని పరీక్షించుకోబోతుంది.
మిర్చి - ప్రభాస్ స్టార్ డమ్ను మరింత పెంచిన సినిమా మిర్చి. ఈ యాక్షన్ సినిమాకు అప్పట్లో ఈ సినిమా మంచి రికార్డులను అందుకుంది. ఇది కూడా డార్లింగ్ బర్త్ డేకు రానుంది. ఇందులో అనుష్క హీరోయిన్గా నటించింది.
ఛత్రపతి - ప్రభాస్, రాజమౌళి కాంబోలో విడుదలైన ఈ చిత్రం ఇండస్ట్రీ రికార్డులను తిరగరాసింది. ఇందులో ప్రభాస్ యాక్షన్, డైలాగ్ డెలివరీ ఫ్యాన్స్తో పాటు సినీ ప్రియులను విపరీతంగా ఆకట్టుకుంది. ఈ చిత్రం కూడా మళ్లీ రానుంది.
మిస్టర్ పర్ఫెక్ట్ - ఈ ఫ్యామిలీ డ్రామాలో ప్రభాస్ లుక్స్, డ్రెస్ స్టైల్ అందరినీ విపరీతంగా ఆకట్టుకుంది. ఈ చిత్రంతో ఫ్యామిలీ ఆడియెన్స్కు ఆయన బాగా దగ్గరయ్యారు. కాజల్, తాప్సీ హీరోయిన్లుగా నటించారు. ఈ చిత్రంలోని పాటలు కూడా మంచి హిట్ అయ్యాయి. ఇది కూడా రీరిలీజ్ కాబోతుంది.
PVCUలో ప్రభాస్ సినిమా - ప్రశాంత్ వర్మతో మూవీకి డార్లింగ్ ఓకే!
'రోలెక్స్'కు ఆ సినిమాతో కనెక్షన్స్ - అదిరిపోయే అప్డేట్ ఇచ్చిన సూర్య
