Pawan Kalyan Hari Hara Veeramallu Movie : టాలీవుడ్ స్టార్ హీరో,పవర్ స్టార్ పవన్ కల్యాణ్ లీడ్ రోల్లో డైరెక్టర్ క్రిష్‌ రూపొందిస్తున్న లేటెస్ట్ మూవీ 'హరిహర వీరమల్లు'. పీరియాడికల్ డ్రామాగా తెరకెకుతున్న ఈ మూవీ ప్రస్తుతం చిత్రీకరణ దశలోనే ఉంది. అయితే గత కొంత కాలంగా ఈ చిత్రానికి సంబంధించిన ఎటువంటి అప్డేట్స్ రాకపోవడం ఇక ఈ మూవీ ఆగిపోయిందంటూ నెట్టింట రకరకాల రూమర్స్ వినిపించాయి. అయితే ఈ చిత్ర నిర్మాత ఏఎమ్ రత్నం వాటన్నింటికీ చెక్ పెట్టారు. ఓ ఈవెంట్లో ఆయన ఈ విషంపై క్లారిటీ ఇచ్చారు. అంతే కాకుండా సినిమాకు సంబంధించిన నయా అప్డేట్ను రివీల్ చేశారు.
"పవన్ కల్యాణ్తో సినిమా తీసి దాని ద్వారా డబ్బులు సంపాదించుకోవాలంటే 20 రోజులు ఆయన డేట్స్ తీసుకొని మేము ఏదోఒకటి తీయెచ్చు. కానీ, ఆయనతో తీసే సినిమా ఆడియెన్స్కు ఎప్పటికీ గుర్తుండిపోవాలి. దాని వల్ల ఆయనకు మంచి పేరు రావాలి. నేను తీస్తోన్న మొదటి పాన్‌ ఇండియా మూవీ ఇది. ఈ సినిమా షూటింగ్ ఇక ఆగిపోయిందంటూ కొంతమంది సోషల్ మీడియాలో ప్రచారం చేస్తున్నారు. అందులో ఎటువంటి నిజం లేదు. దాన్ని మీరెవ్వరూ అస్సలు నమ్మకండి. 'హరిహర వీరమల్లు' ఆగిపోలేదు. దీనికి సీక్వెల్ కూడా ఉంటుంది. ఈ సినిమాతో పవన్ మరో స్థాయికి వెళ్తారు" అంటూ నిర్మాత ధీమా వ్యక్తం చేశారు.
- " class="align-text-top noRightClick twitterSection" data="">
ఇది విన్న పవన్ ఫ్యాన్స్ సంతోషంతో సంబరాలు చేసుకుంటున్నారు. గతంలోనూ ఈ మూవీకి సంబంధించిన వీఎఫ్‌ఎక్స్‌ పనులు ఇరాన్‌, కెనడా, బెంగళూరు, చెన్నై, హైదరాబాద్‌లో జరుగుతున్నాయని అందువల్లే ఈ సినిమా షూటింగ్ ఆలస్యమవుతోందంటూ ఓ స్టేట్మెంట్ ఇచ్చారు . ఇవన్ని చూస్తుంటే ఈ సినిమా భారీ స్థాయిలో రానుందంటూ ఫ్యాన్స్ అభిప్రాయపడుతున్నారు.
Harihara Veeramallu Cast : ఇక సినిమా విషయానికి వస్తే - 17వ శతాబ్దం నేపథ్యంలో సాగే ఈ మూవీలో పవన్ ఓ వీరోచిత బందిపోటుగా కనిపించనున్నారట. ఈయనతో పాటు యంగ్ బ్యూటీ నిధి అగర్వాల్‌, బాలీవుడ్‌ నటుడు బాబీ దేవోల్‌ ఈ సినిమాలో కీలక పాత్రలు పోషిస్తున్నారు. మొఘలుల కాలం నాటి చారిత్రక నేపథ్యంలో రూపొందుతున్న ఈ సినిమాకు కీరవాణి స్వరాలు అందిస్తున్నారు.
పవన్ ఫ్యాన్స్కు వీరమల్లు టీమ్ సర్ప్రైజ్ - త్వరలో గ్లింప్స్ రెడీ!
పవన్ కల్యాణ్ 'హరిహర వీరమల్లు' డైలాగ్ లీక్- 'యానిమల్' విలన్ అంత పని చేశాడా!
