Operation Valentine Varun Tej Full And Real Name : మెగా బ్రదర్ నాగబాబు వారసుడిగా ఇండస్ట్రీలోకి అడుగుపెట్టిన వరుణ్ తేజ్ తనకంటూ ఓ ఇమేజ్ను క్రియేట్ చేసుకున్నారు. ముకుంద చిత్రంతో ఎంట్రీ ఇచ్చిన ఆయన ఆ తర్వాత క్రిష్ దర్శకత్వంలో వచ్చిన కంచెతో మంచి సక్సెస్ను అందుకున్నారు. అలా రెండో సినిమాతో నటుడిగా మంచి గుర్తింపు తెచ్చుకున్న ఈ మెగా ప్రిన్స్ అనంతరం పలు సినిమాల్లో నటించి ఆకట్టుకున్నారు.
ఈ క్రమంలోనే గత ఏడాది పెద్దల సమక్షంలో హీరోయిన్ లావణ్య త్రిపాఠిని పెళ్లి చేసుకున్నారు. ఆ తర్వాత ఈ జంట సినిమాలపై ఫోకస్ పెట్టింది. పెళ్లి తర్వాత రీసెంట్గా లావణ్య మిస్ ఫర్ఫెక్ట్ వెబ్ సిరీసుతో ప్రేక్షకుల ముందుకు వచ్చి పర్వాలేదనిపించింది. ఈ సిరీస్కు ఓటీటీలో బాగానే రెస్పాన్స్ వచ్చింది.
ఇక ఇప్పుడు వరుణ్ తేజ్ వంతు వచ్చేసింది. పెళ్లి తర్వాత ఆయన నటించిన చిత్రం ఆపరేషన్ వాలెంటైన్. మార్చి 1న ప్రేక్షకుల ముందుకు రానుంది. శక్తిప్రతాప్ సింగ్ హడా దర్శకత్వం వహించారు. మానుషి చిల్లర్ హీరోయిన్గా నటించింది. అయితే సినిమా రిలీజ్ డేట్ దగ్గర పడడంతో వరుణ్ తేజ్ ప్రమోషన్స్లో జోరు పెంచారు. సౌత్ టు నార్త్ వరుసగా ఇంటర్వ్యూలు ఇస్తూ తన గురించి కొన్ని ఆసక్తికరమైన విషయాలు చెబుతున్నారు.
అలా ఓ ఇంటర్వ్యూలో వరుణ్ తేజ్ మాట్లాడుతూ తన అసలు పూర్తి పేరును తెలిపారు. 'సాయి వరుణ్ తేజ్' అని చెప్పారు. స్క్రీన్ మీద పెద్దదిగా ఉంటుందని సాయిని మేకర్స్ తీసేశారని అన్నారు. పాస్‌పోర్టు సహా అన్ని సర్టిఫికేట్స్‌లో సాయి వరుణ్ తేజ్ అని ఉంటుందని క్లారిటీ ఇచ్చారు. అలా సాయి వరుణ్ తేజ్ కాస్త వరుణ్ తేజ్గా మారింది. ఇక ఇప్పటికే మెగా ఫ్యామిలీలో సాయి పేరుతో సాయి ధరమ్ తేజ్ ఉన్న సంగతి తెలిసిందే.
వరుణ్ తేజ్ 'ఆపరేషన్ వాలెంటైన్' సినిమా విషయానికొస్తే - 2019 ఫిబ్రవరి 14న పుల్వామాలో జరిగిన దాడి, తర్వాత ఇండియన్ ఎయిర్ ఫోర్స్ పాకిస్థాన్, అక్కడి ఉగ్రవాదులపై ఎలా పగ తీర్చుకుంది అనే బ్యాక్డ్రాప్లో సినిమా ఉండబోతోంది. ఈ చిత్రంపై భారీగానే అంచనాలున్నాయి. ఈ సినిమాతో వరుణ్ తేజ్ హిట్ కొడతారని మెగా ఫ్యాన్స్ ఆశిస్తున్నారు.
- " class="align-text-top noRightClick twitterSection" data="">
