Saripodhaa Sanivaaram First Single : నేచురల్ స్టార్ నాని నటించిన లేటెస్ట్ మూవీ సరిపోదా శనివారం రిలీజ్ డేట్ దగ్గరపడుతోంది. దీంతో మూవీటీమ్ తాజాగా ఫస్ట్ సింగిల్ రిలీజ్ చేసింది. వివేక్ ఆత్రేయ దర్శకత్వం వహిస్తున్న ఈ సినిమాకు మలయాళీ మ్యూజిక్ డైరెక్టర్ జేక్స్ బిజోయ్ మ్యూజిక్ అందిస్తున్నారు.
'గరం గరం యముడయో, శివమెత్తే శివుడయో, నరం నరం బిగువయో' సాగే ఈ పాటలో హీరో పాత్రను వర్ణిస్తూ సాగింది. డిఫరెంట్ ఫీల్ అండ్ వైబ్ను ఇస్తోంది. జేక్స్ బిజోయ్ సంగీతం, బాలీవుడ్ మ్యూజిక్ డైరెక్టర్, సింగర్ విశాల్ దద్లానీ వాయిస్ ఓ కొత్త అనుభూతిని కలిగిస్తోంది. ఈ సాంగ్లో అక్కడక్కడా నాని రగ్గ్‌డ్ లుక్ లో కనిపించారు. మొత్తంగా ఈ ఫస్ట్ సింగిల్ ద్వారా తన మూవీ థీమ్ చెప్పెందుకు డైరెక్టర్ ప్రయత్నం చేశారు.
Saripodhaa Sanivaaram Cast and Crew : కాగా, సినిమాలో ఎస్‌జే సూర్య విలన్గా నటిస్తున్నారు. మూవీ డిజిటల్ హక్కులను నెట్‌ఫ్లిక్స్ దక్కించుకుంది. ఆర్ఆర్ఆర్, పవన్ కల్యాణ్ ఓజీ సినిమాలను నిర్మించిన డీవీవీ ఎంటర్‌టైన్మెంట్ ఈ సినిమానూ నిర్మిస్తోంది. చాలా రోజుల క్రితమే మూవీ ఫస్ట్ గ్లింప్స్ను రిలీజ్ చేశారు. నాని, సూర్యలను చాలా పవర్‌ఫుల్గా చూపించారు. నాని క్లాస్, మాస్ కలగలపిన లుక్లో కనిపించనున్నారు. ప్రియాంకా అరుల్ మోహన్ హీరోయిన్గా నటిస్తోంది. యాక్షన్ డ్రామాగా ఈ సినిమా తెరకెక్కుతోంది. అంటే సుందరానికి చిత్రం తర్వాత నాని – వివేక్ కాంబో నుంచి రాబోతున్న సినిమా కావడం వల్ల మంచి అంచనాలే ఉన్నాయి. ఆగ‌ష్టు 29న ప్రేక్ష‌కుల ముందుకు రానుంది.
ఇకపోతే నాని ఈ మధ్య కాలంలో భిన్నమైన కథలను ఎంచుకుంటూ ముందుకు వెళ్తున్నారు. గతేడాది దసరా, హాయ్ నాన్న సినిమాలతో హిట్స్ అందుకున్న నాని ఈసారి సరిపోదా శనివారం అంటూ వస్తున్నారు. ఈ చిత్రం తర్వాత సాహో, ఓజీ ఫేమ్ సుజీత్తో ఓ యాక్షన్ డ్రామా, బలగం ఫేమ్ వేణు యెల్దండితో ఓ ఫ్యామిలీ డ్రామా చేయనున్నారు.
