Nani Saripoda Sanivaram OTT Details : టాలీవుడ్లో నేచరల్ స్టార్ అనగానే టక్కున గుర్తొచ్చే పేరు నాని. తన సహజమైన యాక్టింగ్తో పక్కింటి అబ్బాయిలా కనిపించే నాని ఎంతో మంది యూత్తో పాటు ఫ్యామిలీ ఆడియెన్స్ను సంపాదించుకున్నారు. ఈ మధ్య బ్యాక్ టు బ్యాక్ వరుస హిట్లను అందుకున్న ఆయన తాజాగా 'సరిపోదా శనివారం' సినిమాతో ప్రేక్షకుల ముందుకు వచ్చారు.
'దసరా', 'హాయ్ నాన్న' వంటి సక్సెస్లు తర్వాత అదే జోష్లో ఇప్పుడు వివేక్ ఆత్రేయ దర్శకత్వంలో 'సరిపోదా శనివారం' సినిమా చేశారు. 'అంటే సుందరానికీ' తర్వాత వీరిద్దరి కాంబినేషన్‌లో వచ్చిన చిత్రమిది. దానికి తోడు విడుదలైన ప్రచార చిత్రాలు సినిమాపై హైప్ బాగానే పెంచాయి. ఇప్పుడా ఆ హైప్కు తగ్గట్టే సినిమా మొదటి షో నుంచే మంచి రెస్పాన్స్ను(Nani Saripoda Sanivaram Review) అందుకుంటోంది. సినిమా గురించి సోషల్ మీడియాలో పాజిటివ్ రెస్పాన్స్ వస్తోంది. నాని మళ్లీ హిట్ కొట్టాడంటూ రివ్యూలు వస్తున్నాయి. కథతో పాటు నాని, ఎస్ జే సూర్య నటన, బ్యాక్ గ్రౌండ్ మ్యూజిక్ అదిరిపోయిందంటూ కామెంట్లు చేస్తున్నారు.
ఇకపోతే ఇదే సమయంలో 'సరిపోదా శనివారం' డిజిటల్ స్ట్రీమింగ్ వివరాలు కూడా బయటకు వచ్చాయి. ఈ సినిమాను నెట్ఫ్లిక్స్ సంస్థ దక్కించుకుంది. ఆ మధ్య అధికారికంగా కూడా ప్రకటించారు. ఇప్పుడీ విషయాన్ని సినిమా టైటిల్ కార్డులో అఫీషియల్గా కూడా రివీల్ చేశారు. భారీ మొత్తానికే నెట్ఫ్లిక్స్ ఈ చిత్రాన్ని దక్కించుకుందట. ఈ 'సరిపోదా శనివారం' థియేటర్లలోకి వచ్చిన(ఆగస్ట్ 29) నాలుగు వారాల తర్వాతనే ఓటీటీలో స్ట్రీమింగ్ చేసేలా నెట్ఫ్లిక్స్ సంస్థతో నిర్మాతలు అగ్రీమెంట్ చేసుకున్నట్లు తెలిసింది. అంటే అక్టోబర్ మొదటి వారంలో స్ట్రీమింగ్ అయ్యే అవకాశాలు ఉన్నాయని టాక్ వినిపిస్తోంది.
కాగా, ఈ చిత్రాన్ని డీవీవీ ఎంటర్‌టైన్‌మెంట్ బ్యానర్‌పై దానయ్య నిర్మించారు. జేక్స్ బిజోయ్ మ్యూజిక్ అందించారు. అభిరామి, అదితి బాలన్, మురళీ శర్మ తదితరులు సినిమాలో ఇతర పాత్రల్లో కనిపించారు.
నాని 'సరిపోదా శనివారం' ఎలా ఉందంటే? - Saripoda Sanivaram Movie Review
