Nagarjuna About Akhil Hit Movie : తెలుగు చిత్ర పరిశ్రమలో ఏఎన్నార్ తర్వాత ఆయన వారసుడిగా నాగార్జున సక్సెస్ ఫుల్ హీరో అయ్యారు. తెలుగు ప్రేక్షకుల మదిలో స్టార్ హీరోగా, కింగ్, మన్మథుడిగా తనకంటూ ప్రత్యేక ఇమేజ్ సొంతం చేసుకున్నారు. బాలీవుడ్లోనూ పలు చిత్రాలు చేశారు. ఇక నాగార్జున వారసులుగా నాగ చైతన్య, అఖిల్ ఇద్దరూ మంచి గుర్తింపు తెచ్చుకున్నారు. కానీ స్టార్స్ రేంజ్కు ఇంకా వెళ్లలేదు. చైతన్య ఓకే కానీ అఖిల్ మాత్రం ఇంకా సక్సెస్ ఖాతా ఓపెన్ చేయలేదు.
అయితే తాజాగా ఈ విషయమై నాగార్జున స్పందించారు. హిట్ కొట్టే వరకు అభిమానుల ముందుకు రానని తనతో అఖిల్ చెప్పినట్టు నాగార్జున తెలిపారు. అక్కినేని నాగేశ్వరరావు శత జయంతి(ANR 100th birthday celebrations) సందర్భంగా శుక్రవారం నిర్వహించిన వేడుకలో నాగ్ ఈ వ్యాఖ్యలు చేశారు. ఆ ఈవెంట్‌కు అఖిల్ హాజరవ్వలేదు. దీంతో ఫ్యాన్స్ అఖిల్ గురించి అడగగా నాగార్జున స్పందించారు. అభిమానులను అడిగినట్టు చెప్పమన్నాడని నాగార్జున పేర్కొన్నారు.
Akkineni Akhil Upcoming Movies : అక్కినేని అఖిల్ హీరోగా అఖిల్ అనే చిత్రంతో సినీ ఇండస్ట్రీలోకి అడుగుపెట్టారు. వివి వినాయక్ దర్శకత్వంలో వచ్చిన ఈ చిత్రం ఆశించిన స్థాయిలో ఆడలేదు. ఆ తర్వాత హలో, మిస్టర్ మజ్ను లాంటి సినిమాలు కూడా బాక్సాఫీస్ ముందు అంతగా ఆడలేదు. అనంతరం బొమ్మరిల్లు భాస్కర్ దర్శకత్వంలో వచ్చిన మోస్ట్ ఎలిజిబుల్ బ్యాచిలర్ సినిమా పర్వాలేదనిపించింది. ఇందులో పూజా హెగ్డే హీరోయిన్గా నటించింది. కానీ ఇది కూడా భారీ హిట్ అవ్వలేదు.
అయితే ఆ తర్వాత భారీ అంచనాలతో వచ్చిన ఏజెంట్ సినిమా మాత్రం డిజాస్టర్గా నిలిచింది. దీంతో అఖిల్ కెరీర్ సందిగ్ధంలో పడింది. కానీ అఖిల్ కోసం నిర్మాతలు భారీ బడ్జెట్ పెట్టేందుకు సిద్ధమయ్యారు. యూవీ ప్రొడక్షన్స్ బ్యానర్లో(Akhil Akkineni UV Creations) కొత్త దర్శకుడితో ఓ సోషియో ఫాంటసీ సినిమా చేయనున్నారు. దీన్ని ఇంకా అఫీషియల్గా అనౌన్స్ చేయలేదు.
ఏఎన్నార్ నెగిటివ్ పాత్రల్లో నటించకపోవడానికి కారణం ఏంటంటే? - ANR Birth Anniversary
