Mr Bachchan Movie Update : పవర్స్టార్ పవన్ కల్యాణ్కు 'గబ్బర్సింగ్'తో బిగ్గెస్ట్ బ్లాక్బస్టర్ అందించిన దర్శకుడు హరీశ్ శంకర్ ప్రస్తుతం మాస్మహారాజా రవితేజతో కలిసి 'మిస్టర్ బచ్చన్'ను తెరకెక్కిస్తున్నారు. పీపుల్ మీడియా ఫ్యాక్టరీ నిర్మాణ సంస్థ బ్యానర్లో రూపుదిద్దుకుంటున్న ఈ చిత్రానికి సంబంధించి ఓ కీలక అప్డేట్ ఇచ్చారు డైరెక్టర్. తాజాగా ఈ సినిమా తన రెండో షెడ్యూల్ను కూడా పూర్తి చేసుకున్నట్లుగా ప్రకటించారు. దీనిని తెలియజేస్తూ ఎక్స్ వేదికగా ఓ పోస్ట్ పెట్టారు.
'ఆయనకు మిలియన్ల కొద్దీ థ్యాంక్స్'
ఈ మూవీ కోసం పనిచేస్తున్న పలువురికి స్పెషల్గా థ్యాంక్స్ చెప్పారు హరీశ్. వీరిలో సినిమా సెకెండ్ షెడ్యూల్లో భాగమైన సినిమాటోగ్రాఫర్ అయనాంక్ బోస్కు ప్రత్యేక ధన్యవాదాలు తెలిపారు. అంతేకాకుండా మూవీ కోసం అహర్నిశలు కష్టపడుతున్న హీరో రవితేజ గారికి మిలియన్ల కొద్దీ థ్యాంక్స్ అంటూ షూటింగ్ స్పాట్లో దిగిన ఓ ఫొటోను తన ఇన్స్టాగ్రామ్ స్టోరీలో షేర్ చేశారు.
Eagle Movie : ఇటీవలే విడుదలైన 'ఈగల్' సినిమాతో మరో హిట్ను తన ఖాతాలో వేసుకున్నారు రవితేజ. స్టైలిష్‌ యాక్షన్‌ థ్రిల్లర్‌గా రూపొందిన ఈ చిత్రాన్ని దర్శకుడు కార్తీక్‌ ఘట్టమనేని తెరకెక్కించారు. ఇందులో అనుపమ పరమేశ్వరన్‌, కావ్య థాపర్‌ హీరోయిన్లుగా నటించారు. ఈ సినిమాను కూడా పీపుల్ మీడియా ఫ్యాక్టరీ సంస్థ నిర్మించింది. ఇక 'మిస్టర్ బచ్చన్'తో పాటు మరికొన్ని సినిమాలకు కూడా ఇప్పటికే గ్రీన్ సిగ్నల్ ఇచ్చారు రవితేజ. త్వరలోనే ఇవి కూడా సెట్స్పైకి వెళ్లనున్నాయి.
మెగాస్టార్తో హరీశ్ మూవీ?
Harish Shankar Chiranjeevi New Project : రవితేజతో 'మిస్టర్ బచ్చన్' తర్వాత హరీశ్ శంకర్ మెగాస్టార్ చిరంజీవీతో కూడా ఓ ప్రాజెక్ట్ చేసేందుకు రెడీ అయ్యారట. ఇందుకు చిరంజీవీ కూడా గ్రీన్ సిగ్నల్ ఇచ్చినట్లు ఇటీవలే వార్తలు వచ్చాయి. అయితే అంతకన్నా ముందు పవన్ కల్యాణ్తో ఇప్పటికే మొదలుపెట్టిన 'ఉస్తాద్ భగత్ సింగ్'కు సంబంధించి మిగిలిన షూటింగ్ను పూర్తి చేయనున్నారు గబ్బర్సింగ్ డైరెక్టర్. ప్రస్తుతం ఏపీలో అసెంబ్లీ ఎన్నికల హడావిడి నేపథ్యంలో పవన్తో స్టార్ట్ చేసిన 'ఉస్తాద్ భగత్ సింగ్' చిత్రీకరణకు బ్రేక్ పడిన విషయం తెలిసిందే.
మెగాస్టార్తో హరీశ్ శంకర్ కొత్త ప్రాజెక్ట్!
పెళ్లికి ముందే నమ్రతకు మహేశ్ కండీషన్- వీరి ప్రేమ కహానీ తెలుసా?
