Most Watched Indian Web series : ఓవైపు బాక్సాఫీస్‌ వద్ద వినోదాల జోరు కొనసాగుతున్నా మరోవైపు ఓటీటీలోనూ అదే స్థాయిలో వరుసగా సినిమా, సిరీస్లు రిలీజ్ అవుతూ నాన్ స్టాప్గా ప్రేక్షకుల్ని అలరిస్తున్నాయి. ఎందుకంటే సినిమా అభిమానులు, వెబ్ సిరీస్ లవర్స్ అభిరుచికి తగ్గట్టుగా కంటెంట్లను తీసుకొస్తున్నాయి పలు ఓటీటీ సంస్థలు. టాలీవుడ్ టు బాలీవుడ్ - అగ్రస్థాయి నటులతో స్ట్రీమింగ్ అవుతున్న సినిమాలతో పాటు చిన్న నటులతో రూపొందుతున్న ప్రాజెక్ట్లు కూడా అందరి దృష్టిని ఆకర్షిస్తున్నాయి. కంటెంట్ ఉండాలే కానీ నటుల ఇమేజ్‌తో సంబంధం లేకుండా ఆకట్టుకుంటున్నాయి. అలా పెద్ద పెద్ద స్టార్లు లేకుండా తక్కువ పెట్టుబడితో రూపొంది హీరామండీ, ఇండియన్ పోలీస్ ఫోర్స్ వంటి టాప్ షోల కన్నా ఎక్కువ వీక్షకులను పొందింది రికార్డు సృష్టించింది ఓ వెబ్ సిరీస్.
అదేంటంటే? - ఆర్మాక్స్ మీడియా ఇచ్చిన తాజా నివేదిక ప్రకారం 2024 మొదటి ఆరు నెలల్లో ఓటీటీలో అత్యధికంగా వీక్షించిన భారతీయ సిరీస్గా "పంచాయత్" నిలిచింది. మే 28, 2024న అమెజాన్ ప్రైమ్ వీడియోలో విడుదలైన ఈ సిరీస్ మూడో సీజన్ ఇప్పటి వరకూ 28.2 మిలియన్ల వీక్షకులను దక్కించుకుంది. తద్వారా ఇప్పటివరకూ అత్యధిక వ్యూస్ దక్కించుకున్న హీరామండి సిరీస్ను రెండో స్థానంలోకి నెట్టింది.
ప్రముఖ ఓటీటీ ప్లాట్ఫామ్ నెట్ఫ్లిక్స్లో స్ట్రీమింగ్ అవుతోన్న హీరామండీని బాలీవుడ్ స్టార్ డైరెక్టర్ సంజయ్ లీలా భన్సాలీ భారీ బడ్జెట్తో తెరకెక్కించారు. భారతీయ వెబ్సిరీస్లోనే ఇది అత్యంత ఖరీదైన వెబ్ సిరీస్. బాలీవుడ్కు చెందిన ప్రముఖ నటులతో రూ.250కోట్లకు పైగా పెట్టుబడితో దీన్ని చిత్రీకరించారు. ఇది ఇప్పటివరకు 20.3 మిలియన్ల వ్యూస్ దక్కించుకుంది.
దీని తర్వాత అత్యధిక స్థాయిలో 19.5 మిలియన్ల వ్యూయర్లను దక్కించుకున్న సిరీస్గా ఇండియన్ పోలీస్ ఫోర్స్ నిలిచింది. దీంతో మొదటి స్థానంలో పంచాయత్, రెండో స్థానంలో హీరామండి ఉండగా ఇండియన్ పోలీస్ ఫోర్స్ సిరీస్ మూడో స్థానంలో నిలిచింది. ఇక ఓటీటీ షో బిగ్ బాస్-3 17.8మిలియన్ల వ్యూస్తో ఓటీటీలో ఎక్కువమంది చూసిన నాన్ ఫిక్షన్ షోగా నిలిచింది.
పంచాయత్ సీజన్ 3 విషయానికొస్తే చందన్ కుమార్ రచించిన ఈ కథను ది వైరల్ పవర్ సంస్థ నిర్మాణంలో దీపక్ కుమార్ మిశ్రా తెరకెక్కించారు. గతంలో విడుదలైన పంచాయత్ వెబ్ సిరీస్ రెండు సీజన్లు మంచి ఆదరణ దక్కించుకోవడంతో ఈ ఏడాది మూడో సీజన్ను రిలీజ్ చేశారు. పంచాయత్-3 అనేది గ్రామీణ ప్రాంతాల్లో రాజకీయాలు ఎలా ఉంటాయిస, స్థానిక వ్యవహారాలు ఎలా ఉంటాయి అనే విషయాలను చాలా ఎమోషనల్గా చూపించారు. ప్రముఖ నటుడు జితేంద్ర కుమార్ ప్రధాన పాత్రలో నటించగా నీనా గుప్తా, రఘబీర్ యాదవ్, చందన్ రాయ్, సాన్వికా, ఫైజల్ మాలిక్ దుర్గేష్ కుమార్, పంకజ్ ఝాలు ముఖ్య పాత్రలు పోషించారు. వాస్తవానికి ఇవన్నీ తెలిసిన పేర్లే అయినప్పటికీ వీరిలో ఏ ఒక్కరూ ఇప్పటి వరకూ పెద్ద పెద్ద షోలు, సినిమాలు చేసింది లేదు. అయినప్పటికీ పెద్ద పెద్ద షోలన్నింటినీ అధిగమించి ఈ సిరీస్ అత్యధిక వీక్షకులను సాధించి విమర్శకుల ప్రశంసలను పొందుతుంది.
సినిమాల్లోకి షారుక్‌ ఖాన్‌ చిన్న కొడుకు - ట్రైలర్ అదిరింది - Mufasa The lion king
