Chiranjeevi ANR National Award 2024 : అక్కినేని నాగేశ్వరరావు (ANR Awards) జాతీయ అవార్డు వేడుకలు హైదరాబాద్లో ఘనంగా జరిగాయి. అన్నపూర్ణ స్టూడియోస్లో జరిగిన ఈ వేడుకకు బాలీవుడ్ బిగ్ బి అమితాబ్ బచ్చన్ ముఖ్య అతిథిగా హాజరయ్యారు. ఆయన చేతుల మీదుగా మెగాస్టార్ చిరంజీవి ఏఎన్నాఆర్ జాతీయ అవార్డును అందుకున్నారు. అక్కినేని నాగేశ్వరరావు శత జయంతి సందర్భంగా ఇటీవల నటుడు అక్కినేని నాగార్జున ఈ అవార్డును ప్రకటించారు.
కాగా, ఈ కార్యక్రమానికి అక్కినేని కుటుంబసభ్యులతో సహా, చిరంజీవి తల్లి అంజనాదేవి, విక్టరీ వెంకటేశ్, రామ్చరణ్, నాని, సుబ్బిరామి రెడ్డి, నిర్మాత అశ్వినీదత్, బోయపాటి శ్రీను, నాగ్ అశ్విన్ తదితరులు పాల్గొన్నారు.
