Mahesh Babu Germany Trip : సూపర్ స్టార్ మహేశ్ బాబు రీసెంట్గా జర్మనీకి సోలో ట్రిప్ వెళ్లిన సంగతి తెలిసిందే. విదేశాలకు ఎప్పుడు కుటుంబంతో కలిసి వెళ్లే మహేశ్ ఈసారి ఒంటరిగా వెళ్లడం వల్ల అభిమానులంతా SSMB29కి సంబందించిన వర్క్ కోసం అని అనుకున్నారు. అయితే మహేశ్ జర్మనీకి వెళ్ళింది ఒక డాక్టర్ను కలుసుకోవడం కోసమని తెలిసింది. సూపర్ స్టార్ పోస్ట్ చేసిన తాజా ఫొటో ద్వారా ఈ విషయం అర్థమైంది.
అయితే మహేశ్ ఆ డాక్టర్ను కలుసుకోవడం ఇదేం తొలిసారి కాదు. గతంలోనూ 2023 ఏప్రిల్, 2022 జూన్‌లో కూడా మహేశ్ ఆ డాక్టర్ను కలుసుకున్నట్లు తెలిసింది. ఆ సమయంలో సూపర్ స్టార్తో దిగిన ఫోటోలను ఆ డాక్టర్ తన ఇన్‌స్టాగ్రామ్లో షేర్ చేశారు. మరి ఇంతకీ ఆ డాక్టర్ ఎవరు? మహేశ్ ఆయన్ను ఎందుకు కలుస్తున్నారు? ఆయన దగ్గర ఏ ట్రీట్మెంట్ తీసుకుంటున్నారు? అనే ప్రశ్నలు ప్రస్తుతం అభిమానుల మదిలో మెదులుతోంది.
అసలు ఆ డాక్టర్ పేరు 'హరీ కొనిగ్'. ఆయన బాడీ ఫిట్నెస్కు సంబంధించిన డాక్టర్ అని తెలిసింది. సాధారణంగానే మహేశ్ ఫిట్‌నెస్పై ఎక్కువ దృష్టి పెడతారన్న సంగతి తెలిసిందే. ఖాళీ దొరికితే ఫ్యామిలీతో లేదా జిమ్లోనే గడుపుతుంటారు. ముఖ్యంగా ఈ మధ్య SSMB29 ఒప్పుకున్నాక ఎక్కువగా జిమ్లో కసరత్తులు చేస్తున్నారు. వాటికి సంబంధించిన ఫోటోలు, వీడియోలను కూడా రెగ్యులర్గా సోషల్ మీడియాలో పోస్ట్ చేస్తూ వస్తున్నారు. అలా తన బాడీ ఫిట్నెస్కు సంబంధించి అక్కడికి వెళ్లి ఉండొచ్చని నెటిజన్లు అనుకుంటున్నారు.
Mahesh Babu Rajamouli Movie : రాజమౌళి - మహేశ్ కాంబోలో రానున్న SSMB 29 చిత్రం భారీ అడ్వెంచర్ యాక్షన్ థ్రిల్లర్గా తెరకెక్కనుంది. అమెజాన్ ఫారెస్ట్ నేపథ్యంలో రానున్న ఈ సినిమాలో మహేశ్ కళ్లు చెదిరే యాక్షన్ స్టంట్స్ చేయబోతున్నారని కథనాలు కూడా వస్తున్నాయి. ఇప్పటికే ఈ మూవీకి సంబంధించిన స్క్రిప్ట్ వర్క్ అంతా పూర్తైంది ఈ మధ్యే రాజమౌళి తండ్రి ప్రముఖ రచయిత విజయేంద్రప్రసాద్ తెలిపారు. మరి ఈ సినిమా ఎప్పుడు పట్టాలు ఎక్కబోతుందో చూడాలి.
