Lokesh Cinematic Universe : కోలీవుడ్ స్టార్ డైరెక్టర్ లోకేశ్ కనగరాజ్‌ తన సినిమాటిక్‌ యూనివర్స్‌ (LCU)తో భారతీయ సినీ ప్రేక్షకులకు కొత్త అనుభూతి పంచారు. ఈ క్రమంలోనే 'లోకేశ్ సినిమాటిక్‌ యూనివర్స్‌'లో భాగంగా వచ్చిన 'ఖైదీ', 'విక్రమ్‌', 'లియో' సినిమాలు విజయాన్ని అందుకున్నాయి. ప్రస్తుతం ఆయన సూపర్ స్టార్ రజనీకాంత్‌ హీరోగా 'కూలీ' సినిమా తెరకెక్కిస్తున్నారు. ఆ సినిమా కూడా ఎల్సీయూ లిస్ట్లో చేరుతుందా? అని సనీవర్గాల్లో చర్చ మొదలైంది.
అయితే దానికిపై క్లారిటీ ఇవ్వకముందే దర్శకుడు లోకేశ్, ఎల్‌సీయూకి సంబంధించి ఓ ఆసక్తికర అప్డేట్ ఇచ్చారు. సినిమాటిక్‌ యూనివర్స్‌ ఎలా? ఎక్కడ మొదలైంది? అనే విశేషాలతో కూడిన ఓ ప్రీల్యూడ్ వీడియోను తీసుకురానున్నట్టు తన అఫీషియల్ ట్విట్టర్ ద్వారా ప్రకటించారు. 10 నిమిషాల నిడివితో ఆ వీడియో రానుంది. 'ఛాప్టర్‌ జీరో' హ్యాష్‌ట్యాగ్‌తో ఓ పోస్టర్ రిలీజ్ చేశారు. '1 షాట్ 2 కథలు 24 గంటలు' అని పోస్టర్లో రాసి ఉంది. గన్స్, బుల్లెట్స్తో కనిపిస్తున్న ఈ పోస్టర్ ప్రస్తుతం సోషల్ మీడియాలో వైరల్గా మారింది. 'లోకేశ్ నుంచి భారీ స్థాయిలో ఇంకేదో రాబోతోంది' అంటూ ఫ్యాన్స్ కామెంట్ చేస్తున్నారు.
A teaching exercise that led to a ‘10 minute Prelude to the Origins of LCU’. #ChapterZeroFL unlock 💥@GSquadOffl X @cinemapayyan X @LevelUp_edu @anirudhofficial @anbariv @selvakumarskdop @philoedit @ArtSathees @PraveenRaja_Off @proyuvraaj pic.twitter.com/IXhVJB3bGn
— Lokesh Kanagaraj (@Dir_Lokesh) October 25, 2024
