Kanguva Movie 10 Interesting Facts : కోలీవుడ్ స్టార్ హీరో నటించిన 'కంగువా' మరో మూడు రోజుల్లో థియేటర్లలో గ్రాండ్గా విడుదల కానుంది. ఈ సినిమా కోసం హీరో సూర్య ఎంతో శ్రమించారు. మున్నపెన్నడూ కనిపించని రీతిలో, పాత్రలో నటించారు. భిన్నమైన కథాంశంతో తెరకెక్కిన ఈ చిత్రం కోసం తెలుగు ఆడియెన్స్ కూడా ఎంతో ఆసక్తిగా ఎదురుచూస్తున్నారు. నవంబర్ 14న ఇది రానుంది. ఈ సందర్భంగా ఈ సినిమాకు సంబంధించిన కొన్ని ఆసక్తికర విషయాలను ఇప్పుడు తెలుసుకుందాం.
- సూర్యకు ఇది 42వ చిత్రం కాగా, దర్శకుడు శివకు ఇది 10వ సినిమా. అలాగే వీరిద్దరి కాంబోలో తెరకెక్కిన తొలి సినిమా ఇదే.
- ఈ కంగువా చిత్రంలో సూర్య కంగ, ఫ్రాన్సిస్ అనే పాత్రలు పోషించారు. అలాగే విభిన్నమైన గెటప్స్లో కనిపించనున్నారు.
- ఈ చిత్రంతో దిశా పటాని కోలీవుడ్ ఫిల్మ్ ఇండస్ట్రీకి ఎంట్రీ ఇవ్వనుంది. ఆ మధ్య ప్రభాస్ కల్కి 2898 ఏడీ చిత్రంలో కనిపించి సందడి చేసింది.
- బాలీవుడ్ స్టార్ యాక్టర్ బాబీ దేఓల్కు ఇదే తొలి సౌత్ మూవీ కావడం విశేషం. యానిమల్తో ఆయన కనిపించినప్పటికీ అది హిందీ సినిమానే. పైగా ఆ సినిమా కన్నా ముందే కంగువాను ఒప్పుకున్నారు బాబీ దేఓల్. కంగువాలో ఆయన ప్రతినాయకుడి పాత్రలో కనిపించనున్నారు.
- ఈ చిత్రంలో సూర్య సోదరుడు, హీరో కార్తి కూడా కనిపించనున్నారు. ఇంకా పలువురు స్టార్స్ కూడా ఈ చిత్రంలో కనిపించనున్నారట.
- 1500 ఏళ్ల నాటి ప్రపంచం, అప్పటి మనుషుల భావోద్వేగాలు ప్రధానాంశాలుగా నడిచే కథ ఇది.
- తమిళంలో సూర్యనే డబ్బింగ్ చెప్పారు. అయితే ఏఐ సాయంతో ఇతర భాషల్లో డబ్బింగ్ చేసిన తొలి కోలీవుడ్ చిత్రం ఇదే కావడం విశేషం.
- రూ.300కోట్లకు పైగా బడ్జెట్తో దీన్ని తెరకెక్కించారు. తెలుగుతో పాటు 8 భాషల్లో దాదాపు 10 వేల స్క్రీన్లలో విడుదల చేయనున్నారు.
- 3డీలోనూ విడుదల కానుందీ సినిమా. ఈ చిత్రం రన్ టైమ్ 2 గంటల 34 నిమిషాలు
- మొసలితో హీరో చేసే ఫైటింగ్ సన్నివేశం సినిమాకే హైలైట్గా నిలువనుందట. అండర్ వాటర్ వారం పాటు ఈ సీక్వెన్స్ను చిత్రీకరించారు.
'బాహుబలి సినిమాకు స్ఫూర్తి సూర్యనే- ఆయనతో సినిమా చేయాలకున్నా కానీ!'
బ్యాక్ టు బ్యాక్ రిలీజెస్తో రష్మిక మందాన్న - 10 నెలల్లో 6 సినిమాలతో!
