Kiran Abbavaram KA Teaser: టాలీవుడ్ యంగ్ హీరో కిరణ్ అబ్బవరం లీడ్ రోల్లో తెరకెక్కుతున్న సినిమా 'క (KA)'. ఈ సినిమా సందీప్ అండ్ సుజీత్ సంయుక్తంగా దర్శకత్వం వహిస్తున్నారు. శ్రీ చక్ర ఎంటర్టైన్మెంట్ బ్యానర్పై చింత గోపాలకృష్ణరెడ్డి ఈ చిత్రాన్ని నిర్మిస్తున్నారు. కాగా, మూవీ మేకర్స్ సోమవారం టీజర్ రిలీజ్ చేశారు. 1.33 నిమిషాల నిడివి ఉన్న ఈ టీజర్ మీరు చూశారా?
ఎవరు నువ్వు? ఎక్కడి నుంచి వచ్చావు? అంటూ టీజర్ ప్రారంభమైంది. ఈ సినిమాలో హీరో కిరణ్ పోస్ట్మ్యాన్గా కనిపించనున్నట్లు టీజర్ చూస్తే తెలుస్తోంది. పక్కవాళ్ల ఉత్తరాలు చదివే అలవాటు ఏంటి? అంటూ హీరో క్యూరియాసిటి క్యారెక్టర్ను టీజర్తో పరిచయం చేశారు. అయితే ఇందులో కిరణ్ రెండు షేడ్స్లో నటించనున్నట్లు తెలుస్తోంది. 'నాకు తెలిసిన నేను మంచి, నాకు తెలియని నేను' అనే డైలాగ్తో హీరో క్యారెక్టర్పై ఆసక్తి పెంచారు. ఇక పెద్దగా వీఎఫ్ఎక్స్, సీజీ వర్స్క్ లేకుండా సింపుల్గా రూపొందించారు.
హీరోయిన్ తనేనా? అయితే ఈ సినిమాలో హీరోయిన్గా పాత్ర పోషిస్తున్న నటి గురించి టీజర్లో చెప్పలేదు. కానీ, టీజర్లో ఓ సీన్లో మాత్రం ఓ అమ్మాయి కనిపించింది. ఆమె చూడడానికి నటి రహస్య గోరక్లాగా ఉంది. మరి ఈ సినిమాలో నటిస్తోంది తనేనా లేదా అనేది క్లారిటీ రావాల్సి ఉంది. ఇక మిగిలిన నటీనటుల వివరాలు ఎక్కడా చెప్పలేదు.
కాగా, ఈ సినిమాను డైరెక్టర్లు సుజిత్, సందీప్ సంయుక్తంగా పాన్ఇండియా లెవెల్లో తెరకెక్కిస్తున్నారు. కిరణ్కు ఇదే తొలి పాన్ఇండియా మూవీ కావడం విశేషం. ఈ సినిమాకు సామ్ సీఎస్ మ్యూజిక్ డైరెక్టర్గా పనిచేస్తున్నారు.
38 రోజుల్లోనే: కిరణ్కు హీరోయిన్ రహస్య గోరక్తో ఇటీవల నిశ్చితార్థం జరిగింది. రాజావారు రాణివారు సినిమాతో వీరిద్దరి మధ్య పరిచయం ఏర్పడింది. కొన్నేళ్ల ప్రేమ తర్వాత హైదరాబాద్లో ఈ జంట ఎంగేజ్మెంట్ చేసుకుంది. ఇక మరో 38 రోజుల్లో పెళ్లి జరగనున్నట్లు తెలుస్తోంది. కాబోయే భర్త కిరణ్కు బర్త్డే విషెస్ చెప్తూ రహస్య పెళ్లి విషయాన్ని పరోక్షంగా బయటపెట్టింది.
రీల్ కపుల్ టు రియల్ కపుల్- కిరణ్ అబ్బవరం ఎంగేజ్మెంట్ డేట్ ఫిక్స్!
గ్రాండ్గా కిరణ్ అబ్బవరం, రహస్య ఎంగేజ్మెంట్- ఫొటోస్ చూశారా?
