Kannada Star Hero Darshan Arrest : కన్నడ ఛాలెంజింగ్ స్టార్ దర్శన్ను ఓ మర్డర్ కేసులో పోలీసులు అరెస్ట్ చేశారు. మంగళవారం (జూన్ 11) ఉదయం మైసూరులోని ఓ ఫామ్ హౌజ్లో ఆయన్ను అదుపులోకి తీసుకున్నారు. దర్శన్ సహా మరో పది మందిని రేణుకా స్వామి అనే వ్యక్తి హత్య కేసులో పోలీసు అధికారులు అరెస్ట్ చేసినట్లు తెలిసింది. ప్రస్తుతం ఈ విషయం సంచలనం రేపుతోంది.
అసలేం జరిగిందంటే? - రెండు రోజుల క్రితం అనగా జూన్ 9న కర్ణాటకలోని సుమన్నహళ్లి బ్రిడ్జి సమీపంలో గుర్తుతెలియని మృతదేహం దొరికింది. స్థానికుల ద్వారా సమచారం అందుకున్న పోలీసులు కేసు నమోదు చేశారు. కామాక్షిపాళ్య పోలీస్ స్టేషన్‌లో కేసు నమోదైంది. ఆ తర్వాత డెడ్ బాడీని చిత్రదుర్గకు చెందిన రేణుకా స్వామిగా గుర్తించారు అధికారులు. రేణుకా స్వామి ఓ ఫార్మాసీ కంపెనీలో పనిచేసేవారని తెలిపారు. అనంతరం దర్యాప్తులో భాగంగా కొంతమంది అనుమానితులను అరెస్ట్ చేసి విచారించగా ఇందులో హీరో దర్శన్ ప్రమేయం కూడా ఉన్నట్లు వారు చెప్పారు. దీంతో పోలీసులు దర్శనను అదుపులోకి తీసుకున్నారు. ఎలాంటి గొడవలు జరగకుండా ఆర్ఆర్ నగర్లోని అతడి ఇంటి దగ్గర భారీ బందోబస్త్ను కూడా ఏర్పాటు చేశారు.
ఆ నటిపై అసభ్యకరమైన కామెంట్లు - కన్నడ నటి పవిత్ర గౌడతో దర్శన్‌కు రిలేషన్ ఉన్నట్లు గతంలో రూమర్స్ భారీగా వచ్చాయి. దర్శనతో తనకు సంబంధం ఉన్నట్లు ఆమె వివాదాస్పద పోస్ట్ కూడా చేసింది. దీంతో పవిత్ర గౌడ - దర్శన్ భార్య విజయ లక్ష్మి మధ్య వివాదం కూడా నడిచింది. అనంతరం నటి పవిత్ర గౌడపై రేణుకా స్వామి కూడా సోషల్ మీడియా వేదికగా కొన్ని కించపరిచే పోస్ట్‌లు చేశారట. ఆమెకు అసభ్యకరమైన మెసేజ్‌లు పంపినట్లు తెలిసింది. ఈ కారణంతోనే రేణుకా స్వామి హత్య జరిగినట్లు కన్నడ మీడియాలో వార్తలు చక్కర్లు కొడుతున్నాయి.
కాగా, దర్శన్ ఈ మధ్యే కాటేరా చిత్రంతో భారీ హిట్ అందుకున్నారు. గతేడాది డిసెంబర్లో సలార్కు పోటీగా విడుదలై సంచలన విజయం సాధించింది. తెలుగులోనూ ఈ చిత్రానికి మంచి ఆదరణ దక్కింది.
హాట్కేక్లా అమ్ముడుపోతున్న 'కల్కి' టికెట్స్!
'ఏదో తేడాగా ఉందే' - దీపిక తెలుగు డబ్బింగ్పై ట్రోల్స్! - Prabhas Kalki 2898 AD Trailer
