KA Movie OTT Release : టాలీవుడ్ యంగ్ హీరో లీడ్ రోల్లో దీపావళి కానుకగా వచ్చిన లేటెస్ట్ మూవీ 'క'. మరో రెండు భారీ సినిమాలతో పోటీపడ్డ ఈ చిత్రం బాక్సాఫీస్ వద్ద సూపర్ హిట్గా దూసుకెళ్లింది. స్టోరీ, హీరో యాక్టింగ్తో పాటు పలు ఇంట్రెస్టింగ్ ఎలిమెంట్స్ వల్ల ఈ సినిమా డే 1 నుంచి మంచి టాక్ అందుకుంది. అయితే ఇప్పుడీ చిత్రం ఓటీటీలోనూ సందడి చేసేందుకు సిద్ధమైంది. ప్రముఖ ఓటీటీ సంస్థ 'ఈటీవీ విన్' వేదికగా ఈ నెల 28 నుంచి స్ట్రీమింగ్ అవ్వనుంది. డాల్బీ విజన్‌ : అట్మాస్‌లో ఈ సినిమా స్ట్రీమింగ్కు రానున్నట్లు ఆ సంస్థ తాజాగా ప్రకటించింది.
కథేంటంట :
అభినయ వాసుదేవ్ (కిరణ్ అబ్బవరం) ఓ అనాథ. ఎప్పటికైనా తన తల్లిదండ్రులు తిరిగొస్తారన్న ఆశతో జీవిస్తుంటాడు. ఇతరుల ఉత్తరాలు చదువుతూ వాటిని తన సొంత వాళ్లే రాసినట్లు ఊహించుకుంటుంటాడు. అలా ఆ రాతల్లో తాను పోగొట్టుకున్న బంధాల్ని చూసుకుంటాడు. ఓసారి తన ఉత్తరం దొంగతనంగా చదివాడంటూ మాస్టర్‌ గురునాథం (బలగం జయరాం) వాసును కొట్టడం వల్ల ఆశ్రమం నుంచి పారిపోతాడు. ఆ తర్వాత కొన్నేళ్లకు వాసు కృష్ణగిరికి వచ్చి అక్కడ ఓ కాంట్రాక్ట్ పోస్ట్‌మెన్‌గా ఉద్యోగంలో చేరతాడు. ఈ క్రమంలోనే పోస్ట్‌మాస్టర్ రంగారావు (అచ్యుత్ కుమార్) కూతురు సత్యభామ (నయన సారిక)తో వాసుదేవ్ ప్రేమలో పడతాడు.
మరోవైపు, ఆ ఓ అనూహ్యమైన ఘటన జరుగుతోంది. ఊళ్లో ఉన్న అమ్మాయిలు ఒక్కొక్కరుగా కనిపించకుండా పోతుంటారు. అయితే ఉత్తరాలు చదివే అలవాటున్న వాసుకు ఓ లెటర్ వల్ల ఈ మిస్సింగ్ కేసులకు సంబంధించిన క్లూ ఒకటి దొరుకుతుంది. ఇక ఇప్పట అక్కడి నుంచి వాసుదేవ్ జీవితం సమస్యల్లో చిక్కుకుంటుంది. అయితే ఆ ఊరి అమ్మాయిలు మిస్ అవ్వడానికి గల కారణమెవరు? కృష్ణగిరిలోని లాలా, అబిద్ షేక్‌ల పాత్రలేంటి? వాసుతో పాటు టీచర్‌ రాధ (తన్వి రామ్)ను కిడ్నాప్ చేసి వేధించే ముసుగు వ్యక్తి ఎవరు? అతనికి వీళ్లకూ ఉన్న విరోధం ఏంటి? ఆ ముసుగు వ్యక్తి బారి నుంచి వీళ్లిద్దరూ ఎలా బయటపడ్డారు? వాసుదేవ్ - సత్యభామల లవ్ స్టోరీ ఏమైంది? అన్న విషయాలు తెలుసుకోవాలంటే మిగతా సినిమా చూడాల్సిందే.
'ఆమె కష్టం గురించి చెప్పాలనుకున్నా- నా ఎమోషనల్ స్పీచ్కు రీజన్ అదే'
'చాలా రోజుల తర్వాత ప్రశాంతంగా నిద్రపోతున్నా' - 'క' సక్సెస్పై కిరణ్ అబ్బవరం
