Jr NTR War 2 Cast : యంగ్ టైగర్ జూనియర్ ఎన్టీఆర్, బాలీవుడ్ స్టార్ హీరో హృతిక్ రోషన్ కాంబినేషన్లో తెరకెక్కుతున్న భారీ బడ్జెట్ మూవీ 'వార్ 2'. బ్రహ్మాస్త్ర ఫేమ్ అయాన్ ముఖర్జీ తెరకెక్కిస్తున్న ఈ చిత్రం ప్రస్తుతం షూటింగ్ దశలో ఉంది. బీటౌన్లో ఎన్టీఆర్ ఈ సినిమాతోనే ఫస్ట్ టైమ్ ఎంట్రీ ఇవ్వడం వల్ల అభిమానులు దీనిపై భారీ అంచనాలు పెట్టుకున్నారు. అయితే తాజాగా ఈ మూవీ గురించి ఓ వార్త నెట్టింట తెగ ట్రెండ్ అవుతోంది. అదేందంటే ఈ సినిమాలోకి మరో తెలుగు స్టార్ ఎంట్రీ ఇవ్వనున్నారట. ఆయనెవరో కాదు మన 'ఫ్యామిలీ స్టార్' జగపతిబాబు.
ఈ సినిమాలో ఆయన జూనియర్ ఎన్టీఆర్ తండ్రి పాత్రలో కనిపించనున్నారట. ఆ రోల్ చాలా పవర్ఫుల్గా ఉంటుందని అంతే కాకుండా సినిమాకు చాలా కీలకమని అంటున్నారు. అయితే ఈ విషయంపై ఇంకా అఫీషియల్ అనౌన్స్మెంట్ రావాల్సి ఉంది.
ఇక వార్ 2 సినిమా విషయానికి వస్తే - యశ్‌రాజ్‌ స్పై యూనివర్స్‌లో భాగంగా తెరకెక్కుతున్న ఈ చిత్రంలో హృతిక్ రోషన్, ఎన్టీఆర్‌లకు మధ్య కీలక యాక్షన్ సన్నివేశాలు ఉండనున్నాయట. అంతే కాకుండా ఇందులో ఎన్టీఆర్ ఇండియన్‌ రా ఏజెంట్‌గా కనిపించనున్నట్లు సినీ వర్గాల టాక్. ప్రస్తుతం ఆయన 'దేవర' షూటింగ్లో బిజీగా ఉన్నందున అది పూర్తికాగానే 'వార్-2' సెట్స్లోకి జాయిన్ కానున్నట్లు తెలుస్తోంది. బాలీవుడ్ బ్యూటీ కియారా అడ్వాణీ హీరోయిన్గా నటిస్తుండగా, అలాగే కండల వీరుడు సల్మాన్ ఖాన్, బాలీవుడ్ బాద్షా షారుక్ ఖాన్ కూడా ఈ మూవీలో గెస్ట్ రోల్స్లో కనిపించనున్నట్లు వార్తలు వచ్చాయి.
Devara Shooting : మరోవైపు 'దేవర' షూటింగ్ కూడా శరవేగంగా జరుగుతోంది. ఇందులో ఎన్టీఆర్ సరసన బీటౌన్ స్టార్ జాన్వీ కపూర్ నటిస్తోంది. స్టార్ హీరో సైఫ్ అలీఖాన్ కీలక పాత్ర పోషించారు. మరో స్పెషల్ రోల్లో శ్రీకాంత్‌ కనిపించనున్నారు. కొరటాల శివ తెరకెక్కిస్తున్న ఈ మూవీ దసరా కానుకగా అక్టోబర్లో విడుదల కానుంది.
