అమ్మ కోరిక తీర్చిన తారక్- ఆమె బర్త్​ డేకు ఇదే స్పెషల్ గిఫ్ట్ - JR NTR With Mother

JR NTR With Mother: స్టార్ హీరో ఎన్టీఆర్ తన తల్లితో కలిసి శనివారం ఉడుపి శ్రీకృష్ణుడిని దర్శించుకున్నారు. దీనికి సంబంధించిన ఫొటోలను సోషల్ మీడియాలో షేర్ చేశారు.

JR NTR With Mother: గ్లోబల్ స్టార్ ఎన్టీఆర్ తన తల్లితో కలిసి ఉడుపి (కర్ణాటక) శ్రీకృష్ణ ఆలయాన్ని శనివారం దర్శించారు. దర్శనం అనంతరం ఆలయం ఎదుట తన తల్లితో దిగిన ఫొటోను ఎన్టీఆర్ సోషల్ మీడియాలో షేర్ చేశారు. ఈ దర్శనంతో తన తల్లి కల నెరవేరిందంటూ క్యాప్షన్ రాసుకొచ్చారు. ఆయన వెంట డైరెక్టర్ ప్రశాంత్ నీల్, జాతీయ అవార్డు విజేత రిషబ్​శెట్టి కూడా ఉన్నారు.

'అమ్మ ఎప్పుడూ నన్ను తన సొంతూరు కుందాపురాతో పాటు, ఉడుపి శ్రీకృష్ణుడి దర్శనం చేయించాలని కల కంటూ ఉంటుంది. ఇప్పుడు ఆ కల నిజమైంది. సెప్టెంబరు 2న ఆమె పుట్టినరోజు ముందు నేను ఆమెకు ఇచ్చే మంచి బహుమతి ఇదే. విజయ్‌ కిరంగదూర్‌ సర్‌ మీకు ధన్యవాదాలు. నా ప్రియమిత్రుడు ప్రశాంత్‌ నీల్‌తో కలిసి రావడం సంతోషంగా ఉంది. అలాగే రిషబ్‌శెట్టి కూడా వచ్చి ఈ క్షణాలను మరింత ప్రత్యేకంగా మార్చారు' అని ఎన్టీఆర్ రాసుకొచ్చారు.

My mother's forever dream of bringing me to her hometown Kundapura and seeking darshan at Udupi Sri Krishna Matha has finally come true! To make it happen just before her birthday on September 2nd is the best gift I could give her.

Thanks to @VKiragandur sir and my dearest… pic.twitter.com/sj3rtExmnp

— Jr NTR (@tarak9999) August 31, 2024

ఎన్టీఆర్​- నీల్ సినిమా స్టార్ట్!
ఎన్టీఆర్- ప్రశాంత్ నీల్ కాంబోలో తెరకెక్కనున్న ప్రాజెక్ట్ రీసెంట్​గా పూజా కార్యక్రమాలతో లాంఛనంగా ప్రారంభమైంది. కానీ, షూటింగ్, తదితర విషయాలపై మేకర్స్​ ఎలాంటి క్లారిటీ ఇవ్వలేదు. తాజాగా నిర్మాత రవి శంకర్‌ ఈ సినిమా గురించి సాలిడ్ అప్డేట్ ఇచ్చారు. మూవీ షూటింగ్ అక్టోబర్‌లో ప్రారంభించనున్నట్లు చెప్పారు. ఇక ఎన్టీఆర్‌ డిసెంబర్‌ నుంచి ఈ మూవీ షూటింగ్​లో పాల్గొంటారని పేర్కొన్నారు.

ఇక 'కేజీఎఫ్', 'సలార్' లాంటి బ్లాక్ ​బస్టర్ల తర్వాత డైరెక్టర్ ప్రశాంత్ మరో పాన్ఇండియా సినిమా తెరకెక్కిస్తున్నారు. దీంతో ఎన్టీఆర్ అభిమానుల్లో ఈ సినిమాపై అంచనాలు పెరిగిపోయాయి. మేకర్స్ గతంలో ఓ పోస్టర్ కూడా వదిలారు. గంభీరమైన లుక్​తో ఉన్న ఎన్టీఆర్ పోస్టర్​ ఫ్యాన్స్​ను ఆకట్టుకుంది. సినిమాలో నటించనున్న హీరోయిన్, ఇతర నటీనటుల వివరాలు తెలియాల్సి ఉంది. కాగా, ఈ చిత్రం 2026 జనవరి 9న ప్రపంచ వ్యాప్తంగా రిలీజ్​ కానున్నట్లు మేకర్స్ ఇదివరకే తెలిపారు.

Direct Gaa Airport Ki Vachi Receive Tarak Anna Ni Cheskunnadu 🫂🫂💐💐@shetty_rishab Sir Love Towards @tarak9999 Anna 👌👌❤️❤️❤️ pic.twitter.com/6lb2PUU3Wh

— Sai Mohan 'NTR' (@Sai_Mohan_999) August 31, 2024