Jayam Ravi Divorce : తన భార్యతో విడాకులు తీసుకుంటున్నట్లు ఇటీవలే కోలీవుడ్ హీరో జయం రవి ప్రకటించిన సంగతి తెలిసిందే. అయితే ఈ విషయంపై రవి భార్య ఆర్తి సంచలన ఆరోపణలు చేసింది. తనకు తెలియకుండానే జయం రవి డివొర్స్ ప్రకటన చేశారని ఆరోపించింది. ఈ బహిరంగ ప్రకటన చూసి తాను దిగ్భ్రాంతికి గురైనట్లు తెలిపింది. ఈ మేరకు సోషల్‌ మీడియాలో ఓ నోట్ కూడా విడుదల చేసింది. ప్రస్తుతం ఈ విషయం మరింత చర్చనీయాంశంగా మారింది.
Jayam Ravi Wife Aarti Ravi : "నాకు తెలియకుండా నా పర్మిషన్ తీసుకోకుండానే డివొర్స్ గురించి జయం రవి బహిరంగంగా ప్రకటించారు. ఇది తెలిసి నేను దిగ్భ్రాంతికి గురయ్యాను. ఎంతో బాధ పడ్డాను. 18 ఏళ్లుగా మేము కలిసి ఉన్నాం. అయినా ఇలాంటి ముఖ్యమైన విషయాన్ని నా పర్మిషన్ తీసుకోకుండా బయట పెట్టడం నన్ను ఎంత గానో బాధించింది. కొంత కాలంగా మా మధ్య వచ్చిన మనస్పర్థలను, విభేదాలను పరిష్కరించాలని ఎన్నో సార్లు ప్రయత్నించాను. ఇప్పటికీ నా భర్తతో డైరెక్ట్గా మాట్లాడే ఛాన్స్ కోసం ప్రయత్నిస్తూనే ఉన్నాను. దురదృష్టవశాత్తూ నాకు ఆ అవకాశం దక్కట్లేదు. అని ఆర్తి నోట్లో పేర్కొన్నారు.
"ఈ ప్రకటన చూసి నేను, నా పిల్లలు షాక్కు గురయ్యాం. పూర్తిగా ఏక పక్షంగా తీసుకున్న నిర్ణయమిది. దీని వల్ల మాకు అస్సలు ఏ మాత్రం కూడా మంచి జరగదు. బాధ కలిగినా నేను గౌరవంగానే ఉండాలని అనుకుంటున్నాను. అందుకే పబ్లిక్‌గా కామెంట్ చేయలేదు. అన్యాయంగా నాపై నిందలు వేసి, నన్ను తప్పుగా చిత్రీకరిస్తున్న వార్తలను భరించడం ఎంతో కష్టంగా ఉంది. ఒక తల్లిగా నా తొలి ప్రాధాన్యత ఎప్పుడూ నా పిల్లల శ్రేయస్సే. ఈ వార్త వారిపై ప్రభావాన్ని చూపుతుంది, అది నాకు కూడా ఎంతో బాధ కలిగిస్తోంది. కాలం అన్నిటికీ సమాధానం చెబుతుంది. ఇన్ని రోజులుగా మాకు మద్దతుగా నిలిచిన ప్రతి ఒక్కరికీ తెలియజేస్తున్నాను. మీ ప్రేమే మాకు బలం. మా గోప్యతకు ఎలాంటి భంగం కలిగించొద్దు అని విజ్ఞప్తి చేస్తున్నాను" అని ఆర్తి వెల్లడించారు.
Actor #JayamRavi 's wife #AartiRavi has issued a statement regarding the divorce announcement..@onlynikil pic.twitter.com/2kMTwJQgja
— Ramesh Bala (@rameshlaus) September 11, 2024
'దేవర' బిజినెస్ డీటెయిల్స్ ఇవే - భారీ స్థాయిలో టికెట్ ప్రీ సేల్స్! - NTR Devara Movie
