Jaya Jaya Jaya Jaya Hey Movie : మలయాళ సినిమాలకు ఉన్న క్రేజ్ గురించి ప్రత్యేకంగా చెప్పనక్కర్లేదు. నేచురాలిటికీ దగ్గరగా ఉత్కంఠగా సాగుతూ పోతుంటాయి. పైగా ఈ మధ్యలో మలయాళ నుంచి వచ్చే ప్రతీ సినిమా బాక్సాఫీస్ వద్ద భారీ బ్లాక్ బస్టర్ను అందుకుంటోంది. రీసెంట్గా భ్రమయుగం, ప్రేమలు, ముంజుమ్మెల్ బాయ్స్, ఆవేశం ఇలా అన్నీ వరుస హిట్లే. ఇవి(ఆవిశేం మినహా) తెలుగులోనూ రిలీజై ఆకట్టుకున్నాయి. అయితే ఇప్పుడు మరో చిత్రం అలరించేందుకు రెడీ అవుతోంది. కానీ అది డైరెక్ట్ మూవీ కాదు. అక్కడ సూపర్ హిట్ అందుకుని ఇక్కడ తెలుగులో రీమేక్ కాబోతుంది.
ఇంతకీ ఆ సినిమా ఏంటంటే? - జయ జయ జయ జయహే సినిమా చాలా మంది తెలుగు ప్రేక్షకులకు తెలిసే ఉంటుంది. 2022లో వచ్చిన ఈ చిత్రంలో బాసిల్ జోసెఫ్‌, ద‌ర్శ‌న‌రాజేంద్ర‌న్ హీరోహీరోయిన్లుగా నటించారు. విపిన్ దాస్ ద‌ర్శ‌క‌త్వం వ‌హించారు. ఎలాంటి అంచ‌నాలు లేకుండా వచ్చిన ఈ చిత్రం క‌మ‌ర్షియ‌ల్‌గా పెద్ద విజ‌యాన్ని అందుకుంది. తక్కువ(రూ.5 కోట్లు) బడ్జెట్తో తెరకెక్కి రూ. 45 కోట్ల వ‌ర‌కు క‌లెక్ష‌న్స్ అందుకుంది. ఓటీటీలోనూ తెలుగులో వచ్చి బాగా ఆకట్టుకుంది. ముఖ్యంగా ఈ చిత్రంలో జయ పాత్రలో దర్శన రాజేంద్ర‌న్ త‌న నటనతో ప్రేక్ష‌కుల్ని మెప్పించింది. భర్త పెట్టే చిత్ర‌హింస‌ల‌ను భ‌రించ‌లేక అత‌డిపై ఎదురుతిర‌గే భార్య పాత్రలో అదరగొట్టేసింది.
ఇప్పుడీ చిత్రాన్నే తెలుగులో రీమేక్ చేయబోతున్నారు. ఒరిజినల్ వెర్షన్లో హీరోయిన్‌గా నటించిన దర్శన రాజేంద్రనే ఈ రీమేక్లోనూ నటించి టాలీవుడ్‌లోకి ఎంట్రీ ఇవ్వబోతున్నట్లు తెలుస్తోంది. డైరెక్టర్ తరుణ్ భాస్కర్ ఆమె భర్త పాత్రలో పోషించబోతున్నట్లు సమాచారం అందింది. అంటే తరుణ్ భాస్కర్ లీడ్ రోల్ చేయబోతున్నారు. ఇప్పటివరకు ఆయన ఇతర హీరోల చిత్రాల్లో నటించారు. ఇప్పుడు తొలిసారి ఆయనే లీడ్ రోల్ చేయబోతున్నారు.
కాగా, ఈ మధ్యే చాలా గ్యాప్ త‌ర్వాత కీడాకోలా చిత్రానికి ద‌ర్శ‌క‌త్వం వ‌హించారు తరుణ్ భాస్కర్. క్రైమ్ కామెడీ బ్యాక్డ్రాప్తో వచ్చిన ఈ మూవీ ప‌ర్వాలేద‌నిపించింది. అలానే వెబ్సిరీస్ల్లోనూ నటిస్తున్న ఆయన ఆ మధ్య వచ్చిన దూత వెబ్‌సిరీస్‌లో నెగెటివ్ షేడ్ రోల్ చేరి ఆకట్టుకున్నారు. ఇంకా మంగ‌ళ‌వారం, దాస్ కీ ధ‌మ్కీతో పాటు మ‌రికొన్ని సినిమాల్లో నటించారు.
- " class="align-text-top noRightClick twitterSection" data="">
కన్నప్పలో ప్రభాస్ శివుడు కాదట - ఏ పాత్రలో కనిపించనున్నారంటే? - Prabhas Kannappa
లారెన్స్ ట్రిపుల్ ధమాకా - వెరీ ఇంట్రెస్టింగ్గా లైనప్! - Raghava Lawrence Upcoming Movies
